Follow Us
News 09:00
Thu 6th Jan 2022
Eastern Cape school asks learners to bring drug and pregnancy test results on first day of term
Thu 6th Jan 2022
Print Friendly, PDF & Email

NUUSFLITS NUUSAGENTSKAP 6 Januarie 9 vm

Goeiemôre,

In die bulletin:

# Die burgemeester van Kaapstad vereer brandbestryders na die brand by die Parlement
# Saftu sê SAA-werkers het hul werk verloor en is in die steek gelaat weens staatskaping
# En, die Franse president is onder skoot weens ‘n “verdelende en platvloerse” boodskap aan oningeëntes

# Kaapstad se burgemeester, Geordin Hill-Lewis, het die speaker van die Parlement, Nosiviwe Mapisa-Nqakula, by die Roelandstraatse brandweerstasie onthaal waar hy die brandbestryders bedank het wat dié week se brand by die Parlement help blus het. Hy sê hulle het binne minute reageer en al hulle moontlike bronne in die kortste moontlike tyd ontplooi. Hill-Lewis sê die geskiedkundige Ou Raadsaal, die bilioteek en Tuynhuys is gered danksy dié optrede:

Speel klankgreep: AFR Hill-LewisOOREerbetoon

# Die vakbondfederasie Saftu sê werknemers van die Suid-Afrikaanse Lugdiens het weens staatskaping hulle werk verloor en is in die steek gelaat. Die Zondo-kommissie se verslag toon meer as drie-duisend werknemers het hulle werk by die SAL verloor terwyl SAL Tegnies besig is om tot 60-persent van sy werksmag af te dank. Saftu se woordvoerder, Trevor Shaku, sê dit is slegs ‘n voorbeeld van wat deels weens korrupsie by ander staatsinstellings gebeur:

Speel klankgreep: ENGTrevorShaku

# In die afgelope verslagtydperk is nog 110 mense aan Covid-19 dood, wat die sterftesyfer op 91-duisend-561 te staan bring. Elf-duisend-106 nuwe gevalle is aangemeld, met twee-duisend-863 in KwaZulu-Natal, gevolg deur die Wes-Kaap met twee-duisend-834 en Gauteng met twee-duisend-156. Die positiwiteitskoers is tans 22,2-persent terwyl nog 349 pasiënte landwyd in hospitale opgeneem is. Sedert die pandemie byna twee jaar gelede uitgebreek het, het byna drie-miljoen-495-duisend mense in Suid-Afrika die siekte opgedoen.

# President Emmanuel Macron van Frankryk het onder skoot gekom vir wat beskryf word as verdelende, platvloerse taal toe hy tydens ‘n onderhoud met die koerant, Le Parisien, beloof het om die lewe moeilik te maak vir mense wat nie ingeënt is nie. Volgens Sky News beskuldig sy teenstanders hom dat hy taal gebruik het wat nie by ‘n president pas nie. Hulle het ‘n parlementêre sitting beëindig toe hulle oor die voorval gekla het. Wetgewers bespreek tans wetgewing wat mense wat nie ingeënt is nie, sal verbied om aan die grootste deel van die openbare lewe deel te neem.

# Krieket: Australië is weer onderweg na ‘n goeie telling in sy eerste beurt van die vierde toets om die As teen England op die SCG in Sydney. Die gasheer het laat op die tweede middag gestaan op 380 vir sewe, met Ushman Khawaja onoorwonne op 132. Onderkaptein Steven Smith het vroeër 67 bygedra, Marcus Harris 38, David Warner 30 en die Suid-Afrikaans-gebore Marnus Labuschagne 28. Australië het reeds die reeks beklink deur die eerste drie toetse te wen.

# En die finansiële aanwysers: Die rand verhandel teen 15-rand-94-sent teen die dollar, 18-rand-4-sent teen die euro en 21-rand-57-sent teen die pond. Bitcoin verhandel teen 42-duisend-887-dollar-1-sent. Die prys van goud is een duisend-803-dollar-91-sent per fynons en die prys van Brent ruolie 79-dollar-85-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away