Follow Us
National Nuclear Regulator says upgrade does not imply permission for extension
Mon 7th Feb 2022
Northern Cape police seeks public’s assistance in finding missing woman [SOUND]
Mon 7th Feb 2022
Print Friendly, PDF & Email

NUUSFLITS NUUSAGENTSKAP 7 Februarie 9 vm

Goeiemôre,

In die bulletin:

# ‘n Gesondheidskenner hoop skole sal nie tot nuwe Covid-19-variante bydra nie
# ‘n Noordwes-polisielid verskyn vandag in die hof vir korrupsie
# En, Not In My Name voorsien hulp aan vloedslagoffers in Mamelodi

# ‘n Gesondheidskenner sê sy hoop nie skole gaan bydra tot nuwe Covid-19-infeksies nie. Skole keer vandag terug na voltydse leer nadat die Kabinet sommige Covid-19-regulasies opgehef het. Meer as 1,2-miljoen kinders van 12-jaar en ouer is ingeënt. Die Departement van Pediatrie en Kindergesondheid by die Rooikruis-kinderhospitaal se woordvoerder, Heather Zar, het aan News24 gesê selfs kinders met onderliggende siektes is beter beskerm teen die Omikron-variant. Sy sê die teikengroep vir inentings en versterkdosisse moet steeds die groepe wees wat die grootste gevaar loop om ernstig siek te word, of volwassenes met onderliggende kwale.

# ‘n Vier-en-dertigjarige polisiebeampte sal na verwagting vandag in die Bafokeng Landdroshof in Noordwes verskyn op ‘n aanklag van korrupsie. Die provinsiale teenkorrupsie-ondersoekeenheid het die verdagte Vrydag in hegtenis geneem. ‘n Polisiewoordvoerder, Amanda Funani, sê ‘n voertuig wat vermoedelik in ‘n veediefstal-voorval gebruik is, is verlede maand as bewys geskut. Sy sê die beampte het na bewering die verdagte later gebel en aangebied om die voertuig terug te gee in ruil vir geld:

Speel klankgreep: ENGAmandaFunani

# Die organisasie sonder winsbejag, Not In My Name, het basiese noodsaaklikhede aangekoop vir mense wat deur die onlangse oorstromings in Nellmapius, Mamelodi in Tshwane geraak is. Oorstromings het sedert Vrydag chaos veroorsaak en omvattende skade aan paaie, nedersettings en voertuie aangerig. Die organisasie se woordvoerder, Themba Masango, sê die hulp is deel van hulle voortgaande veldtog vir maatskaplike en rampverligting:

Speel klankgreep: ENGThembaMasango

# Die sekretaris-generaal van die Verenigde Nasies, António Guterras, het onderneem om saam met die internasionale gemeenskap te werk en die hulpbronne te voorsien wat Afrika nodig het om sy klimaatsdoelwitte te bereik. Guterras sê samewerking tussen die VN en die Afrika-Unie is sterker as ooit tevore, met die 2030 Agenda vir Volhoubare Ontwikkeling en Agenda 2063, Afrika se bloudruk vir ‘n vreedsame, geïntegreerde en meer voorspoedige kontinent, as die hoofpilare. Hy sê ryker lande moet hou by hul onderneming van 100-miljard-dollar se klimaatsfinansiering aan ontwikkelende lande:

Speel klankgreep: ENG GuterresOnAfrica

# Tennis: Die Chinese speler Peng Shuai het aan ‘n Franse koerant gesê sy het nooit iemand van seksuele geweld beskuldig nie. Dit is regstreeks in teenstelling met ‘n inskrywing in November verlede jaar toe sy ‘n politieke amptenaar van seksuele misbruik beskuldig het. Die 36-jarige speler het uit die openbare oog verdwyn nadat sy die bewerings gemaak het. In ‘n onderhoud met L’Equipe, het Peng gesê haar inskrywing was ‘n groot misverstand. Die president van die Internasionale Olimpiese Komitee, Thomas Bach, het bevestig hy het Saterdag met Peng vergader, maar haar bewerings oor seksuele aanranding word nie in die verklaring aangeraak nie.

# En die finansiële aanwysers: Die rand verhandel teen 15-rand-44-sent teen die dollar, 17-rand-67-sent teen die euro en 20-rand-89-sent teen die pond. Bitcoin verhandel teen 42-duisend-780-dollar-5-sent. Die prys van goud is een duisend-810-dollar-33-sent per fynons en die prys van Brent ruolie 93-dollar-58-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away