Follow Us
Mediese vereniging vies oor dokters in Gauteng wat nie betaal word nie [KLANK]
Sun 6th Feb 2022
Spy headquarters said to have been breached by homeless person
Sun 6th Feb 2022
Print Friendly, PDF & Email

NUUSFLITS NUUSAGENTSKAP 6 Februarie 9 vm

Goeiemôre,

In die bulletin:

# Julius Malema word beskuldig van doelbewuste verdraaiing voor die Regskommissie

# Oorwinnings vir die Stormers en Bulle in die Verenigde Rugby Kampioenskap

# En, Brittanje se prins Andrew gaan onder eed getuig

# Die Departement Justisie en Korrektiewe Diense het reageer op Vrydagaand se chaotiese sitting van die Regskommissie. Die aanstelling van die regter president van Gauteng, Dunstan Mlambo, in ‘n waarnemende hoedanigheid tot die Konstitusionele Hof, het uitgeloop op ‘n skreeuery tussen die minister van Justisie en Julius Malema. Tydens waarnemende hoofregter Raymond Zondo se onderhoud, het die EFF-leier Lamola beskuldig dat hy Zondo in Junie verlede jaar genader het oor Mlambo se aanstelling. Die woordvoerder van die departement, Chrispin Piri, verwerp die aantyging:

Speel klankgreep: ENGChrispinPhiri

In nog ‘n ontwikkeling eis die EFF dat Ronald Lamola uit die kabinet verwyder moet word. Die party haal aan uit wat hy beskryf as skokkende, onetiese en betreurenswaardige onthullings in onderhoude deur die Regskommissie. Die EFF sê Lamola se gedrag deur Gauteng se regter president, Dunstan Mlambo, uit te sonder vir ‘n pos in die Konstitusionele Hof, getuig van regtelike misbruik deur die ANC-regering. Hy sê sonder hierdie inmenging, sou Mlambo by die Regskommissie se onderhoude vir hoofregter opgedaag het sonder dat hy ooit in die hoogste hof opgetree het.

# Suid-Afrika het weer ‘n styging in nuwe Covid-19 infeksies nadat die Nasionale Instituut vir Oordraagbare Siektes gister drie-duisend-357 nuwe gevalle aangemeld het. Vrydag se totaal was twee-duisend-782. Die meeste infeksies kom steeds voor in Gauteng, die Wes-Kaap en KwaZulu-Natal. Vyf-en-sestig van die pasiënte is in die hospitaal opgeneem. Die Departement van Gesondheid het gister 48 sterftes aangemeld, met agt wat voorgekom het in die mees onlangse siklus. Die totale aantal sterftes sedert die begin van die pandemie staan nou op 95-duisend-817.

# Rugby: Die Stormers het verras deur die Haaie in gister se Verenigde Kampioenskap-wedstryd in Kaapstad met 20-10 te klop. Die tuisspan se skrums en verdediging het hulle die oorhand gegee. Die Stormers het twee drieë gedruk terwyl die Haaie net een keer kon oorduik. Vroeër het die Bulle die Leeus op ‘n nat Loftus Versveld 21-13 kafgedraf vir slegs hul derde oorwinning hierdie seisoen. Die nat toestande het dit vir albei spanne moeilik gemaak om die bal te hanteer. Die tuisspan het nietemin drie drieë gedruk teenoor die besoekers se een.

# En ten slotte: Prins Andrew van Brittanje gaan die regsverteenwoordigers van sy aanklaer, Virginia Giuffre, in Maart in Londen ontmoet en onder eed getuig. Die hertog van York, naasoudste seun van koningin Elizabeth, staar ‘n aanklag van seksuele aanranding in die gesig. Terselfdertyd berei sy 95-jarige ma reg om haar 70ste jaar as heerser te vier. Giuffre voer aan sy het intiem met Andrew verkeer toe sy 17 jaar oud en minderjarig onder die Amerikaanse wet was. Sy sê sy het die prins deur die Amerikaanse finansier en veroordeelde seksoortreder, wyle Jeffrey Epstein, ontmoet.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away