Follow Us
Pinterest predicts afternoon tea to be the new happy hour
Wed 9th Feb 2022
News 08:00
Wed 9th Feb 2022
Print Friendly, PDF & Email

NUUSFLITS NUUSAGENTSKAP 9 Februarie 8 vm

Goeiemôre,

In die bulletin:

# Die magtiging van nuwe entstowwe is onderhewig aan sommige voorwaardes
# Suid-Afrika meld meer as twee-duisend nuwe Covid-19-gevalle aan
# En, Action Society eis dat ‘n Oos-Kaapse pa maksimum tronkstraf kry

# Die magtiging van nuwe entstowwe in Suid-Afrika is nou onderhewig aan sommige voorwaardes. Die Suid-Afrikaanse Reguleringsowerheid vir Gesondheidsprodukte het beklemtoon die Sinopham-entstof moet voorsien word ooreenkomstig die nasionale Covid-19-entstofprogram voor dit goedgekeur mag word. Die Chinees-vervaardigde entstof is einde verlede maand geregistreer, maar Sahpra se uitvoerende hoof, Boitumele Semete-Makokotlela, sê meer data is nodig om te bewys dis doeltreffend teen die Omikron-variant:

Speel klankgreep: ENG-Boitumelo

Intussen is twee-duisend-824 nuwe Covid-19-gevalle die afgelope 24-uur in Suid-Afrika aangemeld. Hiervan was 35-persent in Gauteng, gevolg deur KwaZulu-Natal met 16-persent en die Wes-Kaap met 15-persent. In dieselfde tydperk is 101 pasiënte in die hospitaal opgeneem. Nog 20 mense is aan die siekte dood wat die totale sterftesyfer op 96-duisend-289 te staan bring. Die land se herstelkoers is 96,2-persent.

# Action Society sê die 27-jarige man wat na bewering sy dogtertjie in Port St Johns in die Oos-Kaap verkrag en vermoor het, moet die maksimum tronkstraf kry. Die polisie sê inwoners het die man tydens ‘n burgerlike inhegtenisneming vasgetrek nadat hy beskuldig is dat hy sy 20 maande oue babadogter verlede Donderdag verkrag het. Die kind is in die hospitaal dood. Action Society se woordvoerder, Ian Cameron, sê die strafregstelsel en sektor vir maatskaplike ontwikkeling moet dringend hervorm word:

Speel klankgreep: AFR CameronOnCase

# Australië se eerste minister Scott Morrison het slagoffers van teistering, afknouery en aanranding in die parlement verskoning gevra. Die sluit die gewese regeringsamptenaar, Brittany Higgins in, wat beweer ‘n kollega het haar in Maart 2019 in ‘n minister se kantoor in die parlement verkrag. ‘n Mylpaal-oorsig verlede jaar deur die land se seksdiskriminasie-kommissaris, Kate Jenkins, oor die kultuur in die federale parlement, het aanbeveel die hele werksplek-kultuur word hersien. Morrison sê hulle werk daaraan om die parlement ten goede te verander:

Speel klankgreep: ENG MorrisonOnWorkPlace

# Krieket: Die snelboulers James Anderson en Stuart Broad is nie ingesluit by die Engelse groep wat volgende maand deelneem aan die reeks van drie toetse teen die Wes-Indiese Eilande nie. Hulle is onder die agt spelers wat deel was van die reeks om die As se 4-0-nederlaag, wat nie saam toer na die Karibiese Eilande nie. Dom Bess, Sam Billings, Rory Burns, Jos Buttler, Haseeb Hameed en Dawid Malan bly ook tuis. Engeland se waarnemende besturende direkteur, Andrew Strauss, sê hulle voel dis belangrik om nuwe boul-potensiaal te ontgin.

# En die finansiële aanwysers: Die rand verhandel teen 15-rand-34-sent teen die dollar, 17-rand-54-sent teen die euro en 20-rand-80-sent teen die pond. Bitcoin verhandel teen 43-duisend-484-dollar-2-sent. Die prys van goud is een duisend-828-dollar-24-sent per fynons en die prys van Brent ruolie 91-dollar-12-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away