Follow Us
News 08:00
Sat 20th Nov 2021
Pastor and co-accused sentenced to life imprisonment for Mohapi’s murder
Sat 20th Nov 2021
Print Friendly, PDF & Email

NUUSFLITS NUUSAGENTSKAP 20 November 8 vm

Goeiemôre,

In die bulletin:

# Die Departement van Gesondheid ondersoek moontlike voedselvergiftiging in drie provinsies
# DearSA-veldtog doen ‘n meningspeiling oor die regering se besluit om steun aan Mej SA te onttrek
# En rugby, die Springbokke is reg vir Twickenham vandag, maar hulle gaan Rassie mis

# Die Departement van Gesondheid het ‘n ondersoek begin na moontlike voedselvergiftiging in Mpumalanga, die Oos-Kaap en Gauteng nadat kinders wat glo noedels geëet het, dood is. ‘n Span omgewingsgesondheids-deskundiges het verskeie items bymekaargemaak wat met die verdagte produkte verband hou en het alles na ‘n laboratorium gestuur. ‘n Woordvoerder van die departement, Foster Mohale, sê die publiek moet enige verdagte voedselprodukte  by die plaaslike owerhede aanmeld.

# Dear South Africa het ‘n deelname-veldtog van stapel gestuur na aanleiding van wat hy noem die Departement Sport, Kuns en Kultuur se politieke inmenging. Dit volg nadat die regering sy steun onttrek het aan Mej Suid-Afrika, Lalela Mswane, om die land by die Mej Heelal-kompetisie in Israel te verteenwoordig. DearSA se direkteur Gideon Joubert sê tot op hede het hulle meer as nege-duisend unieke insetsels van die publiek ontvang:

Speel klankgreep: ENG DearSA

# Die DA in die Oos-Kaap sê hy sal aanhou veg vir ‘n veilige provinsie, waar mense sonder vrees kan leef. Volgens die jongste misdaadstatistieke is ‘n duisend mense in die provinsie vermoor en Mthatha, Lusikisiki, Bethelsdorp en New Brighton is uitgewys as moord-brandpunte. Die een-duisend-533 verkragtingsake wat geregistreer is, toon ‘n toename van 7,6-persent vergeleke met verlede jaar. Die DA-lid Bobby Stevenson sê polisie-ingrypings kon nie daarin slaag om mense veilig te hou nie:

Speel klankgreep: ENG-Bobby

# ‘n Gewese Amerikaanse kollege-professor kan tot 20-jaar tronk toe gestuur en met byna vier-miljoen-rand beboet word nadat hy aangekla is van die stigting van vier wegholbrande in die noorde van Kalifornië. Die 47-jarige Gary Maynard van San José word daarvan aangekla dat hy die brand in Julie en Augustus opsetlik gestig het. Die vlamme het brandslaners bedreig wat besig was om ‘n ander brand te bestry. Fox News berig hy is tans agter tralies hangend sy verhoor.

# En ten slotte rugby: Die Springbokke se hulpafrigter, Mzwandile Stick, sê die span is baie lief vir Suid-Afrika se direkteur van rugby, Rassie Erasmus, en sy skorsing sal hulle motiveer om in sy afwesigheid net beter te speel. Wêreld Rugby het Erasmus geskors vir ‘n video wat gedurende die Britse en Ierse Lions-toer gemaak is. Hy sal nie toegelaat word om in enige hoedanigheid betrokke te wees by vandag se wedstryd teen Engeland op Twickenham nie. Stick het gister tydens ‘n mediakonferensie gesê Rassie sal in die gees daar wees. Afskoptyd vir die kragmeting is kwart oor vyf vanmiddag.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away