Follow Us
DA wants the Free State government to distribute the vacant 250-thousand hectares of land [SOUND]
Wed 17th Nov 2021
News 08:00
Wed 17th Nov 2021
Print Friendly, PDF & Email

NUUSFLITS NUUSAGENTSKAP 17 November 8 vm

Goeiemôre.

In die bulletin:

# Suid-Afrika kan geplaas word op ‘n lys van lande waar ontvoerings ‘n moontlike gevaar is
# Die Arbiter van die Veiligheid- en Sekuriteitsektor se Onderhandelingsraad ondersteun Jeremy Vearey se afdanking
# En motorsport,  Mercedes vra ‘n hersiening van die botsing tussen Max Verstappen en Lewis Hamilton in Brasilië

# Suid-Afrika kan moontlik geplaas word op ‘n lys van lande waar ontvoerings ‘n moontlike gevaar is, aldus die spesialis nis-versekeraar iTOO’s Catia Folgore. Statistiek deur die polisie toon aan ontvoerings het van 2010/2011 tot 2019/2020 met 133-persent gestyg. In die jongste geval is die vier Moti-broers in Polokwane op pad skool toe ontvoer. Hulle is na sowat drie weke ongedeerd vrygelaat. Folgore sê ontvoerings raak nou ‘n groot besigheid in die land,  met goed-georganiseerde sindikate wat hul aanvalle weke lank vooruit beplan en hul slagoffers deeglik bestudeer voordat hulle toeslaan.

# Die Nasionale Kommissaris van Polisie, Khehla Sitole, het die besluit van die Arbiter van die Veiligheid- en Sekuriteitsektor se Onderhandelingsraad verwelkom, om die afdanking van die gewese Wes-Kaapse speurhoof Jeremy Veary te ondersteun. Hy is in Mei afgedank nadat hy skuldig bevind is aan wangedrag weens plasings op Facebook waarin hy minagtende, aanstootlike, beledigende en oneerbiedige taal gebruik het. Die woordvoerder van die polisie, Vish Naidoo, sê Veary se boodskappe het Sitole ondermyn:

Speel klankgreep: ENG FINVishNaidooOnVearey (2)

# Suid-Afrika het tot dusver 24-miljoen-216-duisend-614 dosisse Covid-19-entstof toegedien. Die land het die afgelope 24 uur 273 nuwe gevalle aangemeld. Die meeste nuwe gevalle is in Gauteng met 54-persent, die Wes-Kaap met 11-persent en KwaZulu-Natal met tien-persent. Daar is die afgelope 24 uur nog 35 mense weens die virus in hospitale opgeneem en nog 15 Covid-19 verwante sterftes is aangemeld. Die dodetal in Suid-Afrika sedert die begin van die pandemie staan nou op 89-duisend-504. Die land se herstelkoers bly bestendig op 96-persent.

# Die Stad Tshwane doen volgende week Dinsdag instandhouding en verbeterings aan die Muckleneuk-watervoorsieningsnetwerk langs Kloofweg tussen Hoofstraat en Albertweg. Die woordvoerder Lindela Mashigo sê die noodsaaklike werk sal 12-uur lank duur en tussen 8-uur die oggend en 8-uur die aand plaasvind. Mashigo sê hulle sal probeer om onderbrekings in watervoorsiening te alle tye te verhoed:

Speel klankgreep: ENGLindelaMashigo

# Motorsport: Die Mercedes Formule Een-span vra om die verslag van die omstrede botsing van Max Verstappen en Lewis Hamilton in die 48ste ronde van die Grand Prix in Sao Paulo, weer onder oë te neem. Dit volg nadat beamptes nie die Red Bull-bestuurder gestraf het toe hy Hamilton gedwing het om wyd te ry nie. Mercedes sê die versoek kom te midde van nuwe inligting wat nie beskikbaar was toe die beamptes hul besluit geneem het nie. As die reg op hersiening aanvaar word, kan Verstappen ‘n straf van vyf sekondes opgelê word wat by sy rentyd gevoeg kan word, of wegspringplekke by die volgende wedren verloor.

# En die finansiële aanwysers: Die rand verhandel teen 15-rand-52-sent teen die dollar, 17-rand-55-sent teen die euro en 20-rand-84-sent teen die pond. Bitcoin verhandel teen 59-duisend-479-dollar-7-sent. Die prys van goud is een duisend-854-dollar-38-sent per fynons en die prys van Brent ruolie 81-dollar-68-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Away
WeCreativez WhatsApp Support
Editor on duty
Mariana Vos
Away