Follow Us
Cyril Ramaphosa gaan padprojek in Limpopo inspekteer
Tue 8th Feb 2022
News 07:00
Tue 8th Feb 2022
Print Friendly, PDF & Email

NUUSFLITS NUUSAGENTSKAP 8 Februarie 7 vm

Goeiemôre,

In die bulletin:

# Die Eskom-hoof sê die moontlikheid bestaan dat nog beurtkrag ingestel kan word
# Die parlement verwelkom die EFF se onttrekking van sy dringende staatsrede-aansoek
# En, Israel gaan ondersoek instel na die Pegasus-kuberkraak-skandaal

# Eskom sê die moontlikheid bestaan dat nog beurtkrag die week kan voorkom. Die kragverskaffer het beurtkrag ingestel van negeuur gisteraand tot vyfuur vanoggend nadat nog opwekkingseenhede onklaar geraak het. Eskom se uitvoerende hoof, André de Ruyter, het gisteraand aan die land gesê die opwekkingstelsel het aansienlik verswak:

Speel klankgreep: ENG RuyterOnLoadshedding

# Die EFF het sy hof-aansoek laat vaar dat alle parlementslede Donderdag fisies teenwoordig moet wees wanneer die staatsrede gelewer word. Die party het die dringende aansoek by die Wes-Kaapse Hooggeregshof ingedien. Dit volg nadat die Parlement aangekondig het slegs 300 lede sal die geleentheid fisies bywoon, terwyl die res dit virtueel sal volg as gevolg van Covid-19-beperkings. Die parlementêre woordvoerder, Moloto Mothapo, sê hulle verwelkom die EFF se besluit:

Speel klankgreep: ENG MothapoOnEFF

# Suid-Afrika het agt nuwe Covid-19-verwante sterftes aangeteken wat die totale syfer op 96-duisend-21 te staan bring. Die afgelope 24-uur-tydperk is een-duisend-228 nuwe gevalle aangemeld. Hiervan was 41-persent in Gauteng, gevolg deur Mpumalanga met 14-persent en die Wes-Kaap met 13-persent. Nog 78 mense is in dié tydperk in die hospitaal opgeneem. Die land se herstelkoers is 96-persent.

# Die Valke het bevestig ‘n voormalige burgemeester en munisipale bestuurder van Limpopo is in hegtenis geneem omdat hulle na bewering 30-miljoen-rand se staatsfondse in die VBS Mutual Bank deponeer het namens die Thulamela-munisipaliteit. Die Valke se woordvoerder, Katlego Mogale, sê die verdagtes sal vandag in die Landdroshof in Thohoyandou verskyn op aanklagte van korrupsie en wanadministrasie. Mogale sê die voormalige burgemeester het na bewering ‘n Jeep Cherokee ter waarde van meer as 638-duisend-rand deur middel van VBS-geldwassery aanvaar, terwyl die munisipale bestuurder die munisipaliteit se geld strydig met  die Wet op Munisipale Finansiële Bestuur in VBS belê het.

# Israel se regering sê hy gaan ‘n kommissie van ondersoek saamstel om die Pegasus-kuberkraak-skandaal te ondersoek. Die land se polisie word beskuldig dat hulle die NSO-groep se kragtige Pegasus-programmatuur gebruik om op senior politieke figure, insluitend mense in voormalige eerste minister Benjamin Netanyahu se binnekring, te spioeneer. President Isaac Herzog sê die kwessie vereis ‘n deurdringende ondersoek. Intussen sê die polisiekommissaris, Kobi Shabtai, enige onregmatighede moet volgens die wet hanteer word.

# Rugby: Die gewese vleuel van die Springbokke en die Leeus, Aphiwe Dyantyi, sê die afgelope paar jaar was uitdagend, maar hy is vasbeslote om weer op die veld uit te draf. Hy is vir vier jaar uit die sport geskors nadat hy positief getoets het vir drie verbode middels, en nie kon bewys dat hy dit per abuis ingeneem het nie. Sy skorsing duur van 13 Augustus 2019 tot 12 Augustus 2023. Die 27-jarige speler het op sosiale media gesê die afgelope drie jaar was ‘n leerskool en hy sal niks aan sy lewensreis verander nie.

# En die finansiële aanwysers: Die rand verhandel teen 15-rand-49-sent teen die dollar, 17-rand-72-sent teen die euro en 20-rand-96-sent teen die pond. Bitcoin verhandel teen 44-duisend-65-dollar-8-sent. Die prys van goud is een duisend-821-dollar-77-sent per fynons en die prys van Brent ruolie 92-dollar-52-sent per vat.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Away
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away