Follow Us
Tshwane helps flood victims in Hammanskraal [SOUND]
Fri 7th Jan 2022
News 07:00
Fri 7th Jan 2022
Print Friendly, PDF & Email

NUUSFLITS NUUSAGENTSKAP 7 Januarie 7 vm

Goeiemôre,

In die bulletin:

# Die staatskapingsverslag se bevindings is tragies, sê SARS-kommissaris Edward Kieswetter
# Die Filippynse president Rodrigo Duterte gee opdrag vir die arrestasie van oningeënte mense wat tuisbly-regulasies oortree
# En krieket, die reeks tussen die Proteas en Indië gaan in die derde toets beslis moet word

# Die Suid-Afrikaanse Inkomstediens se kommissaris, Edward Kieswetter, het die staatskapingsverslag verwelkom. Hy het aan die SABC gesê dit bevestig die Nugent-kommissie se bevindings dat daar ‘n doelbewuste aftakeling was van die inkomstediens se vermoë om te bestuur en belasting in te vorder:

Speel klankgreep: ENG Kieswetter

Kieswetter sê mense wat betrek word, moet die volle gevolge van hulle dade dra:

Speel klankgreep: ENG Kieswetter 2

# Die polisie van Kameeldrift in Pretoria vra inligting oor die moord op ‘n man wat meer as ‘n maand gelede verdwyn het. Zeyn Khan se liggaam is uitgeken nadat dit vroeg verlede week in die Roodeplaatdam in die stad gevind is. Hy is op 29 November as vermis aangemeld. Khan se liggaam is gevind nadat ooggetuies verlede Maandag gesien het hoe iemand iets in die dam gooi. Polisiewoordvoerder Robert Netshiunda wou nie kommentaar lewer op berigte dat ‘n losprys geëis is nie:

Speel klankgreep: ENG RobertNetshiunda

# Die Filippynse president, Rodrigo Duterte, het beveel dat oningeënte mense in hegtenis geneem word as hulle tuisbly-voorskrifte ignoreer wat gemik is op die bekamping van koronavirus-gevalle wat weens die Omikron-variant die hoogte inskiet. AFP berig die regering het vandeesweek inperkings-regulasies verskerp in Manila en verskeie ander provinsies en stede. Oningeënte mense onder die hoofstad se 13-miljoen inwoners is opdrag gegee om tuis te bly, nadat gevalle die afgelope twee dae verdriedubbel het.

# Krieket: Die toetsreeks tussen Suid-Afrika en Indië sal in die derde en laaste kragmeting beslis word, nadat die Proteas gister met sewe paaltjies by die Wanderers in Johannesburg gewen het. Kaptein Dean Elgar was stewig aan die stuur en onoorwonne op 96 toe die gashere die wenlopies laatmiddag op die vierde dag aangeteken het. Hy is suksesvol ondersteun deur Rassie van der Dussen en Temba Bavuma, wat onderskeidelik 40 en 23 in twee agtereenvolgende vennootskappe behaal het. Die laaste toets begin Dinsdag op Nuweland in Kaapstad.

# Finansiële aanwysers: Die rand verhandel teen 15-rand-72-sent teen die dollar, 17-rand-77-sent teen die euro en 21-rand-29-sent teen die pond. Bitcoin verhandel teen 42-duisend-99-dollar-3-sent. Die prys van goud is een duisend-792-dollar-40-sent per fynons en die prys van Brent ruolie 82-dollar-69-sent per vat.

# En ten slotte,  ‘n nuwe boomspesie is vernoem na die akteur, Leonardo DiCaprio, in erkenning van die Hollywood-ster se veldtogte teen ontbossing. AFP berig die Londense Koninklike Botaniese Tuine het dié aankondiging gister gedoen. Die immergroen boom met groot, gelerige groen blomme, wat in die Ebo-woud in Kameroen gevind is, is die eerste nuwe spesie waarvoor botanici van die bekende tuine in Londen in 2022 ‘n naam gegee het. Die boom se wetenskaplike naam, Uvariopsis dicaprio, gee erkenning aan die 47-jarige Amerikaanse akteur se werk om ontbossing te keer in die bedreigde woud waar die enigste bekende voorbeeld van die boom gevind is.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Available
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away