Follow Us
News 07:00
Thu 6th Jan 2022
Mourners attending memorial service of late mayor and husband honours them for selfless servitude [SOUND]
Thu 6th Jan 2022
Print Friendly, PDF & Email

NUUSFLITS NUUSAGENTSKAP 6 Januarie 7 vm

Goeiemôre,

In die bulletin:

# Ouers kan weens werksverliese as gevolg van Covid-19 nie skoolgeld bekostig nie
# Tien mense is dood toe ‘n boot met begrafnisgangers in Zanzibar omslaan
# En, die wêreld se nommer een tennisspeler kan uit Australië gedeporteer word ondanks mediese vrystelling

# Die 2022-skooljaar begin binnekort, maar baie ouers kan nie hulle kinders se skoolgeld bekostig nie. Sommige ouers is in die skuld gedompel sedert die Covid-19-pandemie uitgebreek het. Talle het hulle werk verloor of hulle salarisse is besnoei as gevolg van die uitwerking van die pandemie. Die uitvoerende hoof van die TPN-kredietburo, Michelle Dickens, het tydens ‘n onderhoud met eNCA gesê die streng inperking het grootliks hiertoe bygedra:

Speel klankgreep: ENG school fees

Dickens sê sedert die begin van die pandemie het die betaling van skoolgeld in baie huishoudings nie voorkeur gekry nie omdat huishuur en verband-terugbetalings belangriker was. Sy sê by talle skole is tot 40-persent van skoolgeld nie betaal nie:

Speel klankgreep: ENG school fees 2

# Vervoer-owerhede in Gauteng en Noordwes ondervind groot agterstande met die uitreiking van taxi-bedryfspermitte. Al nege provinsies moet verslag doen en besonderhede verskaf oor agterstande in die verband, redes vir vertragings noem, en ook aanduidings gee van hoe spoedig dit hanteer sal word. Die Departement van Vervoer sê Gauteng en Noordwes het nog nie op die oproep gereageer nie. Volgens minister Fikile Mbalula word die agterstande tot dusver hoofsaaklik in KwaZulu-Natal, Noord-Kaap, Limpopo en die Vrystaat ondervind, terwyl die Oos-Kaap, Wes-Kaap en Mpumalanga aangedui het dat daar geen agterstande is nie.

# Tien mense is dood toe ‘n boot wat mense in die eilandgroep Zanzibar in die Indiese Oseaan na ‘n begrafnis vervoer het, omgeslaan het. AFP berig nog 15 mense is ná die voorval laat Dinsdag gered en reddingswerkers soek nog na ander wat moontlik vermis is. Die vaartuig het meganiese probleme ondervind terwyl dit mense vanaf Chakechake op die eiland Pemba na die Kisiwa Panza-eilandjie vervoer het. ‘n Inwoner van Pemba, Ali Kombo, sê hy vermoed oorlading kon moontlik die ongeluk veroorsaak het.

# Tennis: Die wêreld nommer een, Novak Djokovic, kan uit Australië gedeporteer word nadat hy aanvanklik mediese vrystelling teen inenting gekry het sodat hy aan die Australiese Ope kan deelneem. Dit volg op groot verontwaardiging dat hy spesiale behandeling gekry het. Die land se Grensmag het die Serwiër toegang geweier nadat sy visum gekanselleer is en sê hy kon nie voldoende bewyse lewer om aan toegangs-vereistes te voldoen nie. Djokovic is ure lank op die lughawe in Melbourne vertraag voor hy toegang tot die land ontneem is. Hy kan moontlik teen die besluit appelleer.

# Finansiële aanwysers: Die rand verhandel teen 15-rand-91-sent teen die dollar, 18-rand-1-sent teen die euro en 21-rand-56-sent teen die pond. Bitcoin verhandel teen 43-duisend-293-dollar-6-sent. Die prys van goud is een duisend-809-dollar-14-sent per fynons en die prys van Brent ruolie 79-dollar-93-sent per vat.

# En ten slotte, die Taliban het winkel-eienaars in die weste van Afghanistan opdrag gegee om die koppe van winkelpoppe af te saag, omdat dié uitbeelding van die menslike vorm, indruis teen Islamitiese wette. ‘n Video op sosiale media wat toon hoe poppe se koppe in Herat afgesaag word, het tot woede binne en buite die land gelei. AFP berig dat die Taliban, sedert dit in Augustus die bewind oorgeneem het, ‘n strenger weergawe van Islamitiese wette ingestel het wat verdere perke aan die vryheid van veral vroue en meisies stel.

Vir die jongste nuusgebeure, bly ingeskakel op ……………….

Our team is here to answer your questions. Editorial questions? Chat to the Editor on duty Free Trial or general questions? Chat to Debbie Technical issues? Chat to our Tekkie
WeCreativez WhatsApp Support
Free Trial / General Enquiries
Debbie Oosthuizen: GM
Away
WeCreativez WhatsApp Support
Editor on duty
Peet Bothma
Available
WeCreativez WhatsApp Support
Editor on duty
Andries Cornelissen
Away
WeCreativez WhatsApp Support
Editor on duty
Lusanda Bill
Away
WeCreativez WhatsApp Support
Technical Support
Tekkie
Available
WeCreativez WhatsApp Support
Editor on duty
Mariana Vos
Away