Sportnuus 12:30

BULLETIN SPORTNUUS 27 Julie 12:30 nm

Goeiemiddag, ons kyk na die jongste sportnuus en uitslae:

# Ons begin met rugby: Die All Black-afrigter, Dave Rennie, het ‘n sterk groep van 44 aangekondig vir die toer na Suid-Afrika. Hy het al 34 spelers van die suksesvolle Nasieskampioenskap-veldtog behou en nog tien bygevoeg vir die toer van sewe weke. Siale Lauaki, Josh Jacomb en Semisi Tupou Ta’eiloa is die nuwelinge terwyl die ervare Reiko Ioane een van sewe spelers is wat herroep is. Rennie verwag ʼn uitdagende toer:

# Statebondspele: Die Suid-Afrikaner Pieter Coetze het na sy prestasies in die 50-meter, nog ‘n goue medalje en ‘n Spelerekord ingepalm, dié keer in die 200-meter. Sy wentyd was een-minuut-54,22-sekondes, met die Engelse swemmers Oliver Morgan en Luke Greenbank onderskeidelik tweede en derde. Aimee Canny het silwer in die vroue 100-meter borsslag gewen, met ‘n bronsmedalje vir Olivia Nel in die vroue 100-meter rugslag. In netbal het Suid-Afrika twee oorwinnings uit twee wedstryde behaal met ‘n oortuigende sege van 96-42 oor Tonga. Suid-Afrika het nou reeds nege medaljes gewen.

# Sokker: Die regering vra Suid-Afrikaners om Banyana Banyana te ondersteun wanneer hulle hul Afrikabeker-titel in Marokko begin verdedig. Desiree Ellis se span begin hul veldtog vanaand teen Tanzanië. Die regering se waarnemende woordvoerder, William Baloyi, sê die spelers dra die hoop van die nasie, en saam kan die land hulle inspireer om hul beste te lewer:

# Motorsport: Die McLaren-renjaer Lando Norris het sy eerste oorwinning van die seisoen op die Hongaarse Grand Prix behaal. Die Brit het in die voorste plek weggespring en sy spanmaat, Oscar Piastri, het hom in die eerste ronde verbygesteek, maar hy het later die voorsprong herwin. Max Verstappen van Red Bull was tweede en Kimi Antonelli van Mercedes derde. Piastri moes met 14 rondes oor weens ʼn ratkasprobleem onttrek. Antonelli se kampioenskapsvoorsprong is nou 50 punte bo Lewis Hamilton van Ferrari en 59 bo sy spanmaat, George Russell.

# En fietsry: Die Sloween Tadej Pogačar het die rekord van vyf Tour de France-oorwinnings geëwenaar. Die 27-jarige van die Emirates-XRG-span het ses minute-26-sekondes voor die Belg Remco Evenepoel klaargemaak, met die Mexikaan Isaac del Toro derde. Die Nederlander Mathieu van der Poel van Alpecin-Premier Tech het die laaste skof gewen. Pogačar, wat vyf skofte ingepalm het, het die oorwinning as spesiaal beskryf:

Bly ingeskakel vir meer nuus……………….