Oggendkoerant-verslag
Die hooftrekke uit die belangrikste nuusblaaie soos op 11 November 2024:
NASIONAAL:
# Business Day:
Berig die vakbond NUMSA sê hy raadpleeg sy regspan ná ’n besluit deur staalvervaardiger ArcelorMittal SA om 107 werkers kort voor Kersfees af te lê.
GAUTENG:
# Beeld:
Berig eerstens oor ‘n gruongeluk die afgelope naweek buite Mokopane in Limpopo. Vyf lede van een gesin is dood toe die band van hul voertuig na bewering gebars het. Die gesin se pa, Flippie van Wyk het op die ongeluk afgekom.
Tweedens skryf die koerant die Lebombo-grenspos met Mosambiek is oopgestel en geen voorvalle is aangemeld nie.
En laastens is daar nuus oor die Bokke se oorwinning van 32-15 oor die Skotte.
# The Star & Pretoria News:
Berig die pas aangestelde sekretaris-generaal van die MK-party, Floyd Shivambu sê hy berei reeds voor vir 2029.
En tweedens skryf die koerant oor ‘n tweede spazawinkeleienaar wat vermoor is.
# Sowetan:
Berig die Gautengse premier Panyaza Lesufi eis dat alle sakeondernemings herregistreer word as eerste stap om die dodelike voedselvergiftigingskrisis die hoof te bied. Volgens nuwe verordeninge sal diegene wat nie daaraan voldoen nie vir vyf jaar op ‘n swartlys geplaas word.
# En The Citizen:
Lei met “STATE CAPTURE IS STILL HERE”. Die koerant skryf burgerlike samelewingsgroepe wat ‘n teen-korrupsieveldtog bekend gestel het, sê dit wil voorkom of die regering se optrede teen staatskaping verslap.
VRYSTAAT:
# Volksblad in Bloemfontein:
Berig Vrystaat Landbou sê veediefstal is die grootste probleem in die provinsie. Tot 50 diere per dag word gesteel met ‘n beraamde jaarlikse verlies van een-miljard-rand.
En tweedens skryf die koerant ook oor die Bokke se oorwinning.
WES-KAAP:
# Die Burger:
Berig oor die dood van ‘n tweeling, die 22-jarige Alex en Zoë Arends, toe hul voertuig in ‘n muur in Saldanha se hoofstraat vasgejaag het. In die stadium is dit die duidelik of ‘n tweede voertuig betrokke was nie.
En tweedens skryf die koerant ook oor die Lebombo-grenspos wat sonder enige voorval heropen is.
# En Cape Times:
Skryf oor oudpresident Jacob Zuma se aanstelling van Floyd Shivambu as sekretaris-generaal van die MK-party.
En berig oor die nuwe regulasies vir spazawinkels na die voedselvergiftigingsterftes.
OOS-KAAP:
# The Herald in Gqeberha:
Berig voormalige senior amptenare van die Nelson Mandelabaai-metro word nou verplig om 7,6-miljoen-rand terug te betaal vir ‘n omstrede tenderkontrak wat met die stad se busstelsel verband hou.
En tweedens skryf die koerant ná ’n drie jaar lange regstryd is Goodyear SA beveel om 54 werkers wat hulle by die Kariega-aanleg afgedank het, weer in diens te neem.
KWAZULU-NATAL:
# The Witness in Pietermaritzburg:
Skryf daar bestaan steeds kommer oor die voorvalle van voedselvergiftiging in townships.
En berig Pietermaritzburg se natuurlike woude is onder druk.
En ten slotte uit NAMIBIË:
# Republikein in Windhoek:
Berig die stad Windhoek gaan ineenstort as hy nie voorafbetaalde kragmeters kan blok om agterstallige skuld te verhaal nie.
En tweedens skryf die koerant oor ‘n tydperk van 11 jaar sedert 2014 is ‘n gemiddeld van sowat twee kerke per week in Namibië geregistreer.