Nuus 18:00

BULLETIN 23 Februarie 6 nm

Goeiemiddag. Ek is……..

In die bulletin:

# Die Hooggeregshofuitspraak versterk belastingbetalersregte in Inkomstediens-‘betaal-nou-onderhandel-later’-geskille
# Die Spesiale Ondersoekeenheid sê die Nigeriese pastoor Omotoso het bedrog gebruik om in Suid-Afrika te bly 
# En, die DA in die Wes-Kaap belowe aanspreeklikheid voor premier Winde se provinsiale rede 

# ‘n Mylpaaluitspraak deur die Pretoriase Hooggeregshof gaan geskille oor die opskorting van betaling met die Suid-Afrikaanse Inkomstediens hervorm. Die hof het in sakeman Mario Ferreira se saak van 525-miljoen-rand bevind die Inkomstediens het onredelik opgetree deur ‘n opskortingsversoek van die hand te wys. Regter Snyman Dyke het beslis dat die Diens op verkeerde inligting staatgemaak het en nie die waarborge wat aangebied is, behoorlik beoordeel het nie. Belastingkenners sê die uitspraak kan die nee-reaksies beperk, waarvolgens ‘n proses instinktief gestop word nog voor dit begin. Die uitspraak sal ook belastingbetalers beter beskerm. 

# Die Spesiale Ondersoekeenheid sê die Nigeriese pastoor Timothy Omotoso het sy Suid-Afrikaanse verblyfreg op bedrog en wanvoorstellings gebou. Die waarnemende hoof van die SOE, Leonard Lekgetho, het in ‘n tussentydse verslag oor wanadministrasie by Binnelandse Sake gesê ondersoeke het aan die lig gebring die immigrasiestelsel is soos ‘n winkel hanteer. Lekgetho sê Omotoso het met ‘n vals werkspermit toegang tot die land gekry, vals beëdigde verklarings ingedien en administratiewe gapings by Binnelandse Sake uitgebuit:

# Die DA besoek die Tuinroete vir twee dae voor premier Alan Winde se provinsiale rede by die Conville-gemeenskapsentrum. Gillian Bosman van die DA sê lede van die provinsiale parlement sal belangrike plekke besoek, onder meer die Mosselbaai-ontsoutingsaanleg, brandgeteisterde gebiede, klinieke, skole, en ook met agterplaasplakkers praat. Hy sê die program is daarop gemik om seker te maak dat beloftes wat in die toespraak gemaak word, die werklikheid weerspieël:

# Die BBC het om verskoning gevra nadat ‘n lid van die gehoor ‘n rassistiese belediging geskree het tydens die BAFTA-rolprenttoekennings toe twee swart akteurs op die verhoog was. Die aanstootlike woord is geskree toe die sterre van die vampier-riller Sinners, Michael B. Jordan en Delroy Lindo, gisteraand die eerste toekenning oorhandig het. Volgens die BBC was die uitbarsting afkomstig van ‘n lid van die gehoor met Tourette-sindroom. Die Britse nuweling, Robert Aramayo, is as beste akteur aangewys vir sy vertolking in I Swear, wat die ware verhaal vertel van ‘n kampvegter vir Tourette-sindroom, John Davidson.

# Sokker: Bafana Bafana se afrigter, Hugo Broos, benadruk die Nasionale Sokker-identiteitslypskool vir afrigters en tegniese personeel om bande tussen spanne te versterk. Hy sê swak kommunikasie het in die verlede gapings tussen strukture geskep. Broos glo die slypskool sal samewerking verbeter, die uitruil van idees aanmoedig en leierskap orden. Hy beklemtoon ook dat eenheid die sleutel is tot die bou van sterker nasionale spanne en die herstel van sokkersukses:

# En die finansiële aanwysers: Die rand verhandel teen 15-rand-97-sent teen die dollar, 18-rand-85-sent teen die euro en 21-rand-58-sent teen die pond. Bitcoin verhandel teen 66-duisend-239-dollar. Die prys van goud is vyf-duisend-156-dollar-26-sent per fynons en die prys van Brent ruolie is 71-dollar-58-sent per vat.

Bly ingeskakel vir meer nuus……………….