Nuus 18:00

BULLETIN NUUSAGENTSKAP 11 Oktober 6 nm

Goeiemiddag. Ek is……..

In die bulletin:

# ‘n Polisiesersant van Limpopo staan tereg op 19 aanklagte in verband met bedrieglike versekeringseise
# Die brandstofbedryf waarsku oor stralerbrandstof-tekortbedreiging weens regulatoriese vertragings
# En, rugby: Die Stormers maak ses veranderings vir die kragmeting met Edinburgh

# ‘n Polisiesersant van Limpopo, Rachel Kutumela, staan tereg op 19 ernstige aanklagte – ses van moord, 12 van bedrog, en een van regsverydeling. Die 43-jarige beampte het na bewering lewens- en begrafnisversekeringspolisse vir verskeie slagoffers uitgeneem. ‘n Polisiewoordvoerder, Mashudu Dzhangi, sê sy het eise ter waarde van 10-miljoen-rand ingedien met haarself as die enigste begunstigde:

# Die lugvaartbedryf waarsku oor ‘n ernstige verskaffingstekort van stralerbrandstof weens die Suid-Afrikaanse Inkomstediens se regulatoriese vertragings om bergingsgeriewe te lisensieer. Na die sluiting van raffinaderye in KwaZulu-Natal gaan tydelike lisensiereëlings vir lugvaartkeroseen binnekort verval. Indien dit nie verleng word nie kan die OR Tambo- en die Koning Shaka Internasionale Lughawe die gevaar loop van beduidende brandstoftekorte. Die Brandstofbedryfvereniging versoek die minister van Finansies om in te gryp en tydelike lisensies vir minstens 12-maande uit te reik.

# Umalusi het 2024 se Nasionale Senior Sertifikaat-eksamen goedgekeur wat vanaf 21 Oktober tot 28 November sal plaasvind. Die uitvoerende hoof, Mafu Rakometsi, het leerders en onderwysers versoek om alle gekullery te vermy, insluitend groeps-duplisering, wat selfs soms onderwysers betrek. Hy het ook gemeenskappe ontmoedig om met versetoptrede die eksamen te ontwrig, en beklemtoon dit stel leerders se toekoms in gevaar en bring die eksamenstelsel in gedrang:

# Die adjunkminister van Bosbou, Visserye en die Omgewing, Narend Singh, het op ŉ bedryfskonferensie oor oorbruggingsnakoming gesê hy is besorg oor koolstofkoste. Hy waarsku om koolstofkoste toe te pas op nywerhede met baie groot uitstralings kan ongelykheid, armoede en werkloosheid vererger in ontwikkelende lande soos Suid-Afrika. Singh het klem gelê op ŉ gebalanseerde oorgang na groener ekonomieë sonder om mededingendheid te skaad. Die konferensie het gefokus op die uitwerking van meganismes vir koolstofkoste-meganismes, veral van die Koolstofgrens-aanpassingsmeganisme van die Europese Unie, op die Suid-Afrikaanse sektore vir metale en ingenieurswese.

# Rugby: Daar is ses veranderings aan die Stormers se beginspan vir môre se Verenigde Rugbykampioenskapswedstryd teen Edinburgh in die Hive-stadion in Skotland. Warrick Gelant begin die eerste keer die seisoen op heelagter met Damian Willemse op losskakel en Angelo Davids op regtervleuel. Voorlangs is Dave Ewers op oopkant-flank en in die voorry is die haker André-Hugo Venter en die stut Brok Harris in die opdrafspan nadat hulle verlede week op die bank was. Afskoptyd is die aand 6:15.

# En die finansiële aanwysers: Die rand verhandel teen 17-rand-43-sent teen die dollar, 19-rand-8-sent teen die euro en 22-rand-79-sent teen die pond. Bitcoin verhandel teen 61-duisend-795-dollar-90-sent. Die prys van goud is twee-duisend-653-dollar-23-sent per fynons en die prys van Brent-ruolie 78-dollar-88-sent per vat.

Bly ingeskakel vir meer nuus……………….