Nuus 18:00

BULLETIN NUUSAGENTSKAP 4 September 6 nm

Goeiemiddag. Ek is………

In die bulletin:

# Pretoria se hooflanddros Desmond Nair se korrupsiesaak word uitgestel 
# Forum moedig Suid-Afrikaners aan om korrupte leiers te verwerp in 2026 se verkiesing
# En, Paralimpiese Spele: Ramphadi en Sithole van Suid-Afrika palm ‘n geskiedkundige brons in rolstoeltennis in

# Die korrupsiesaak teen Pretoria se geskorste hooflanddros, Desmond Nair (na-ja), is in die Pretoriase Handelsmisdaadhof uitgestel tot die 26ste van die maand. Henry Mamothame van die Nasionale Vervolgingsgesag sê hy word daarvan beskuldig dat hy in September 2016 200-duisend-rand van Bosasa aanvaar het vir sekerheids-opgraderings aan sy huis in Gauteng, in ruil vir regsgunste:

# Die Suid-Afrikaanse Nasionale Christelike Forum het onderneem om steeds ongeregtigheid en swak leierskap aan die kaak te stel, veral in die ANC, die EFF en die Suid-Afrikaanse Kommunisteparty. Hulle kritiseer die partye vir hulle beweerde rol in die ineenstorting van die VBS-bank, en vra die terugbetaling van geld wat gebuit is, en die vergoeding van slagoffers. Die forum se president, Marothi Mashashane, moedig burgers aan om hulle stemme te gebruik om korrupte leiers aanspreeklik te hou en druk uit te oefen vir geregtigheid:  

# ActionSA het ‘n ondersoek van stapel gestuur, gemik op alle kabinets-ministers en hulle adjunkte, en vra volledige inligting oor die kwalifikasies en vaardighede van hulle steunpersoneel. Dit volg op onlangse kommer oor moontlike kaderontplooiing en ‘n verontagsaming van minimum kwalifikasie-kriteria, veral in die Ministerie van Landbou. ActionSA sê hy wil deurdigtigheid en aanspreeklikheid verseker met hierdie aanstellings, en beklemtoon die behoefte aan kundige personeel in die kantore van ministers.

# Die Vryemarkstigting vra die regering van nasionale eenheid om dringend ekonomiese beperkings aan te pak. Dit volg op die verslag van Statistieke SA dat die bruto binnelandse produk in die tweede kwartaal van 2024 met 0,4-persent gestyg het. Uitvoerende hoof, David Ansara, benadruk dat hoewel optimisme na die verkiesing positief is, sal dit van korte duur wees sonder vinnige hervormings. Hy versoek ‘n verskuiwing na deregulering en verminderde regeringsingryping om volhoubare groei aan te spoor.

# Paralimpiese Spele: Donald Ramphadi en Lucas Sithole van Suid-Afrika het die bronsmedalje ingepalm in die dubbels-rolstoeltennis in Parys. Hulle het Leandro Pena en Ymanitu Silva van Brasilië 6-2, 4-6, 10-8 geklop in ‘n wedstryd wat twee uur geduur het. Die oorwinning is die eerste Paralimpiese medalje vir rolstoeltennis vir Suid-Afrika. Dit bring Span SA se medaljetotaal te staan op vier, na Pieter du Preez se fietsry-bronsmedalje vroeër.

# En die finansiële aanwysers: Die rand verhandel teen 17-rand-85-sent teen die dollar, 19-rand-76-sent teen die euro en 23-rand-49-sent teen die pond. Bitcoin verhandel teen 56-duisend-606-dollar-83-sent. Die prys van goud is twee-duisend-489-dollar-26-sent per fynons en die prys van Brent-ruolie 72-dollar-95-sent per vat.

Bly ingeskakel vir meer nuus……………….