Nuus 18:00

BULLETIN 2 Mei 6 nm

Goeiemiddag. Ek is……..

In die bulletin:

# Zuma word voor ‘n ANC-dissiplinêre verhoor gedaag oor sy affiliasie met die MK-party
# ActionSA loof die uitspraak teen Rapport oor ‘n anonieme peilingpublikasie
# En, boks: Alles is gereed vir die eerste onbestrede swaargewigkampioen sedert 1999 

# Oud-president Jacob Zuma is aangesê om Dinsdag voor die ANC se dissiplinêre komitee te verskyn oor sy affiliasie met die MK-party. Hy word aangekla van oortreding van die ANC se grondwet deur ‘n ander party te onderskryf en daarvoor te staan. Die ANC se sekretaris-generaal, Fikile Mbalula, het vroeër aangedui Zuma het homself diskwalifiseer van die party se dissiplinêre prosesse deur die nuwe party te onderskryf. Hy is in Januarie geskors. Zuma kan tydens die verhoor verteenwoordig word deur enige ANC-lid wie se lidmaatskap in orde is.

In nog ‘n verwikkeling verwelkom ActionSA ‘n uitspraak van die Persraad se appèlkomitee oor Rapport se anonieme verkiesingspeiling. Dit het bevind die koerant, News24 en City Press was verkeerd om nie die organisasie wat die peiling aangebied het te identifiseer nie, wat die Perskode oortree. Die party sê dit is ‘n aansienlike oorwinning in sy strewe na oorsig oor die peilingsbedryf. Michael Beaumont van ActionSA respekteer die media-organisasies, en sê hulle aanvanklike doelwit was deursigtigheid en voldoening aan demokratiese beginsels: 

# Die verhoor van vyf mans wat in die Hooggeregshof in Pretoria tereg staan vir die moord op die voormalige Bafana Bafana-kaptein Senzo Meyiwa is twee weke uitgestel. Hy is in Oktober 2014 in ‘n huis aan die Gautengse Oos-Rand doodgeskiet. Die verdediging beskuldig die staat van ‘n hinderlaag-verhoorpoging deur nuwe selfoondata in te dien. ‘n Regsverteenwoordiger vir die verdediging, Zandile Mshololo, eis die betrokke rekords van die staat:

# Kiesers is vandag na die stembus in Engeland vir ‘n rits belangrike plaaslike verkiesings wat waarskynlik die druk op die beleërde Konserwatiewe eerste minister, Rishi Sunak, sal verhoog. Die mengsel van raads-, burgemeesters- en ander plaaslike verkiesings sowel as ‘n parlementêre tussenverkiesing is die laaste groot stembustoets voor ‘n algemene verkiesing wat waarskynlik later vanjaar sal plaasvind. Die regerende Tories, wat sedert 2010 nasionaal aan bewind is, verdedig honderde setels wat in die laaste plaaslike verkiesing in 2021 gewen is, en sal moontlik groot verliese ly.

# Boks: Daar is groot opwinding in die bokswêreld vir die groot geveg tussen Oleksandr Usyk en Tyson Fury in Saoedi-Arabië op 18 Mei. Die eerste onbestrede swaargewigkampioen sedert Lennox Lewis in 1999 sal na die geveg gekroon word. Beide mans is onoorwonne beroepsboksers. Die 37-jarige Usyk van Oekraïne is die WBA-, IBF-, WBO- en IBO-swaargewigkampioen. Die 35-jarige Fury van Brittanje is die WBC-kampioen en loop soos altyd oor van selfvertroue:

# En, die finansiële aanwysers: Die rand verhandel teen 18-rand-68-sent teen die dollar, 19-rand-95-sent teen die euro en 23-rand-31-sent teen die pond. Bitcoin verhandel teen 58-duisend-408-dollar-41-sent. Die prys van goud is twee-duisend-292-dollar-46-sent per fynons en die prys van Brent-ruolie 83-dollar-55-sent per vat.

Bly ingeskakel vir meer nuus……………….