Nuus 17:00

NUUSFLITS NUUSAGENTSKAP 10 November 5 nm

Goeiemiddag. Ek is……..

In die bulletin:

# Korrektiewe Dienste bevestig John Block se parool
# Senior ANC-ampsdraers wat by die WVF-werksage betrek is. sal nie gevra word om opsy te staan nie
# Krieket: Allan Donald verlaat Bangladesj nadat hy die kaptein gekritiseer het

# Die Departement van Korrektiewe Dienste het vandag die paroolplasing van die voormalige voorsitter van die ANC in die Noord-Kaap, John Block, aangekondig. Dit is onmiddellik van krag. Block is in 2016 tot 15-jaar tronkstraf gevonnis vir korrupsie en geldwassery. Sy deelname aan korrektiewe programme en die werwing van ‘n diploma in Sakebestuur het deel van die besluit gevorm. Block het baat gevind by spesiale kwytskeldings wat sy vrystellingsdatum bevorder het. Die departement se woordvoerder, Singabakho Nxumalo, sê verslae van spesialiste is ingedien oor die gevangene se gereedheid vir herintegrasie:

Soeel klankgreep: ENG NxumaloOnBlockParole

# Die ANC se nasionale uitvoerende komitee het besluit om nie die opsystaanreël in te stel vir senior leiers wat by die Werkloosheids-versekeringsfronds-werksage betrek word nie. Die uitvoerende hoof van Thuja Capital, Mthunzi Mdwaba, beskuldig die minister van Finansies, Enoch Godongwana, die minister van Hoër Onderwys, Blade Nzimande, die minister van Indiensneming en Arbeid, Thulas Nxesi, en die sekretaris-generaal van die ANC, Fikile Mbalula, dat hulle ‘n fooi van 500-miljoen-rand geëis het vir ‘n tendertransaksie van vyf-miljard-rand. ANC  woordvoerder Mahlengi Bhengu-Motsiri sê ‘n besluit is hangende oor ‘n moontlike ondersoek:

Speel klankgreep: ENG-Bhengu-MotsiriOnUIFScandal

# Freedom Under Law doen regstappe teen die Regterlike Dienskommissie se besluit om slegs twee kandidate aan te beveel vir vier vakatures in die Appèlhof. Die Raad vir die Bevordering van die Suid-Afrikaanse Grondwet het ‘n skriftelike verduideliking van die RDK oor hierdie besluit aangevra. Die RDK is onthuts nadat rassisme, onvoldoende stemme en swak prestasie as redes aangevoer is waarom kwalifiserende kandidate nie na verlede maand se onderhoude aangestel is nie. Freedom Under Law beskou die RDK se verduidelikings as ontoereikend.

# Krieket: Die voormalige Protea-held, Allan Donald, gaan sy posisie as snelbouler-afrigter van Bangladesj na die Wêreldbekertoernooi verlaat nadat hy krities was oor die kaptein, Shakib Al Hasan, se rol in die omstredenheid oor tydverspilling. Al Hasan het geappelleer vir die paaltjie van die Sri Lankaanse veteraan Angelo Mathews omdat dit hom langer as die voorgeskrewe twee minute geneem het om slag te bied nadat sy kopskerm se band gebreek het. Donald sê hy was geskok en die voorval het Bangladesj se kliniese vertoning oorskadu. Sy werkgewers was ongelukkig oor sy openbare kritiek.

# Die finansiële aanwysers: Die rand verhandel teen 18-rand-77-sent teen die dollar, 20-rand-6-sent teen die euro en 22-rand-94-sent teen die pond. Bitcoin verhandel teen 37-duisend-152-dollar-30-sent. Die prys van goud is een-duisend-946-dollar-59-sent per fynons en die prys van Brent ruolie 80-dollar-90-sent per vat.

# Om mee af te sluit: Die sesde Paryse Vredesforum het in die Franse hoofstad begin. Deelnemers vanuit die Verenigde State, China, Europa, Afrika, Asië en Suid-Amerika sal oor twee dae maniere ondersoek om saam te werk in ‘n wêreld vol mededinging. Die deelnemers sal hul visie vir die wêreld en die toekoms van wêreldwye bestuur vergelyk. Die agenda sluit in die beskerming van die planeet en sy mense, om vertroue en veiligheid in die digitale wêreld te verseker, om ongelykhede aan te pak, die versnelling van die vervulling van volhoubare ontwikkelingsdoelwitte en om gesamentlike vrede vir ‘n veiliger wêreld op te bou.

Bly ingeskakel vir meer nuus……………….