Nuus 17:00

BULLETIN NUUSAGENTSKAP 1 Februarie 5 nm

Goeiemiddag. Ek is……..

In die bulletin:

# Die ANC is bekommerd oor die mislukte planne om Madiba se persoonlike besittings op te veil
# Die Wes-Kaapse regering versoek ‘n provinsiale ramp-indeling vir veldbrande
# En, motorsport: Lewis Hamilton se skuif na Ferrari word glo verwag

# Die ANC se Nasionale Uitvoerende Komitee het diepe kommer uitgespreek, hoewel die planne misluk het om oudpresident Nelson Mandela se persoonlike besittings op te veil. Die ANC doen ná die kansellasie daarvan ‘n beroep vir strenger maatreëls om die land se kulturele erfenis te bewaar. Die sekretaris-generaal, Fikile Mbalula, het op ‘n nuuskonferensie 2024 uitgelig as ‘n deurslaggewende jaar om vryheid te verdedig en ‘n beter lewe vir almal te bevorder:

# Die Wes-Kaapse regering het die nasionale rampbestuursentrum genader vir ‘n provinsiale ramp-indeling as gevolg van die veelvuldige veldbrande. Die LUR vir Plaaslike Regering, Omgewingsake en Ontwikkelingsbeplanning, Anton Bredell, sê die indeling is deurslaggewend om vinnige befondsingstoewysing vir brandbestrydingspogings te bemagtig. Hy sê die warm en winderige toestande benodig ‘n gekoördineerde reaksie. Bredell doen ‘n beroep op die publiek om brandwaarnemings stiptelik aan te meld, aangesien vinnige reaksies van kritieke belang is om veldbrande te beheer:

‘n Nuwe ontruimingsbevel is intussen uitgereik vir dele van Pringlebaai nadat ‘n veldbrand, wat vroeër onder beheer was, weer opgevlam het. Brandbestryders veg meedoënloos en gebruik beide grondspanne en lughulpbronne om die brand te beheer, wat reeds meer as 800-hektaar verwoes het. Dit volg op vorige ontruimings in Pringlebaai en Bettysbaai. Intussen woed die brand by Buffeljags naby Swellendam steeds buite beheer nadat dit Maandag uitgebreek het. Veelvuldige brande duur voort in die Kaapse Wynland, met Wolseley, Brandvlei en Fairy Glen wat worstel met uitdagings. Inwoners word gevra om waaksaam te bly.

# Vyf mense is steeds in ‘n bedenklike toestand in die hospitaal nadat ‘n vliegtuigskuur langs ‘n Amerikaanse vliegveld ingetuimel en drie mense gesterf het. Nog vier mense is beseer tydens die voorval naby die Boise-vliegveld in Idaho. Die metaalstruktuur was in aanbou vir ‘n onderneming wat privaat vliegtuigverhurings en instandhouding aanbied. ‘n Hyskraan het ook omgeval nadat die gebou ingetuimel het. Die vliegveld is nie geraak nie. Owerhede het ‘n ondersoek na die oorsaak van die voorval begin.

# Motorsport: Formule Een is verstom oor die nuus dat die Britse ster, Lewis Hamilton, beplan om Mercedes die einde van die seisoen te verlaat en by Ferrari aan te sluit. Hy sal die Spaanse bestuurder, Carlos Sainz, by Scuderia vervang. Die sewemalige wêreldkampioen het verlede jaar ‘n verlenging van twee jaar met die Duitse span aangegaan, maar dit blyk nou hy het moontlik ʼn onttrekkingsbepaling vir die tweede seisoen. Berigte wil dit hê dat onderhandelings met Ferrari in ʼn gevorderde stadium is nadat Mercedes die afgelope twee jaar minder welslae behaal het.

# En die finansiële aanwysers: Die rand verhandel teen 18-rand-70-sent teen die dollar, 20-rand-22-sent teen die euro en 23-rand-69-sent teen die pond. Bitcoin verhandel teen 42-duisend-17-dollar-37-sent. Die prys van goud is twee-duisend-en-33-dollar-77-sent per fynons en die prys van Brent-ruolie 81-dollar-24-sent per vat.

Bly ingeskakel vir meer nuus……………….