Nuus 17:00

BULLETIN 14 Julie 5 nm

Goeiemiddag. Ek is……..

In die bulletin:

# AfriForum veroordeel Ramaphosa se ondersoek as ‘n mosie van wantroue teen wetstoepassing
# ‘n Nuwe uitbreking van bek-en-klouseer word bevestig op ‘n Vrystaatse plaas
# En rugby: ‘n Sterk Junior Springbokspan pak die jong Argentyne in vanaand se halfeindstryd van die Onder 20-kompetisie

# AfriForum sê president Cyril Ramaphosa se nuwe kommissie van ondersoek na politieke inmenging en korrupsie in die Polisiediens dui op ‘n gebrek aan vertroue in bestaande wetstoepassingsagentskappe. Woordvoerder Jacques Broodryk sê die stap toon ‘n gebrek aan vermoë of onpartydigheid by agentskappe. Hy waarsku kommissies is politieke taktiek sonder wettige mag. Broodryk dring aan misdadige ondersoeke, nie politieke prosesse nie, word benodig om korrupsie aan te pak en openbare vertroue te herstel:

# Die KwaZulu-Natalse Departement van Menslike Nedersettings het die aankoop van Montclair Lodge vir 33-miljoen-rand van Transnet bevestig om vloedslagoffers te huisves. Die LUR vir Vervoer en Menslike Nedersettings, Siboniso Duma, sê die blyplek met 268 kamers en 600 beddens sal teen ‘n koste van 35-miljoen-rand opgeknap word en teen Desember of Januarie gereed wees. Hy het bevestig dat ‘n ingenieur die eiendom teen einde Julie sal ondersoek terwyl die Behuisingsontwikkelingsagentskap dit sal bestuur:

# Die Departement van Landbou het ‘n nuwe uitbreking van bek-en-klouseer op ‘n kommersiële plaas in die Vrystaat bevestig, wat die aantal uitbrekings in vyf provinsies op 270 te staan bring. News24 berig die betrokke plaas naby Kroonstad is onder kwarantyn geplaas terwyl amptenare die bron van die besmetting naspoor. Dit volg op ‘n soortgelyke geval by Karan Beef se voerkraal in Heidelberg, Gauteng, verlede maand. Die regering voer entstowwe vanuit Botswana in en entstofvervaardiging by Onderstepoort word verhoog te midde van stygende beesvleispryse weens die uitbrekings.

# Rugby: Die afrigter van die Junior Springbokke, Kevin Foote, het ‘n sterk span gekies vir vanaand se halfeindstryd teen Argentinië in die Wêreldrugby Onder-20-kampioenskap in Italië. Die Baba-Bokke was onstuitbaar in hul groepwedstryde en het Australië, Engeland en Skotland maklik geklop om na die uitklopfase te vorder. Foote het ses voorspelers en twee agterspelers op die bank gekies om Los Pumitas se sterk pak aan te val. Nieu-Seeland en Frankryk speel in die ander halfeindstryd.

# Die finansiële aanwysers: Die rand verhandel teen 17-rand-90-sent teen die dollar, 20-rand-91-sent teen die euro en 24-rand-12-sent teen die pond. Bitcoin verhandel teen 121-duisend-632-dollar. Die prys van goud is drie-duisend-354-dollar-19-sent per fynons en die prys van Brent-ruolie is 69-dollar-88-sent per vat.

# En laastens, die langverwagte Superman, die nuwe strokiesprent-avontuur met David Corenswet in die hoofrol, was die naweek nommer een by Noord-Amerikaanse kaartjiekantore. Die fliek se regisseur is James Gunn, wat veral bekend is vir Guardians of the Galaxy en The Suicide Squad. Universal se Jurassic World Rebirth is nou tweede en Apple se F1: The Movie met Brad Pitt derde. Universal en DreamWorks Animation se aksietreffer, How to Train Your Dragon, is nommer vier en Disney en Pixar se Elio vyfde.

Bly ingeskakel vir meer nuus……………….