Nuus 17:00

BULLETIN NUUSAGENTSKAP 6 Desember 5 nm

Goeiemiddag. Ek is……..

In die bulletin:

# Die Tygervallei-winkelsentrum in Kaapstad word ontruim ná ‘n bomdreigement 
# Suid-Afrikaanse belastingbetalers sal nie pa staan vir Janusz Waluś se deportasierekening nie
# En, motorsport: Die Leclerc-broers in ‘n F1-oefening is ‘n eerste vir Ferrari

# Die Tygervallei-winkelsentrum in Bellville, Kaapstad, is vroeër vandag ontruim ná ‘n bomdreigement. Volgens ooggetuies het honderde mense in die parkeerterreine saamgedrom en gewag vir meer inligting. Iemand het in ‘n Facebook-plasing gesê hy was in die sentrum se kos-vierkant toe die ontruimingsbevel gegee is. Die sentrum se bestuur het ‘n ruk gelede bevestig die polisie se bom-afdeling het die sentrum veilig verklaar. ‘n Polisiewoordvoerder, Wesley Twigg, sê die sentrum is weer oopgestel en sake verloop soos gewoonlik:

# Die minister van Binnelandse Sake, Leon Schreiber, het dit duidelik gemaak Suid-Afrikaanse belastingbetalers is nie aanspreeklik vir die koste verbonde aan Janusz Waluś se deportasie na Pole nie. Die Konstitusionele Hof het hom in November 2022 parool toegestaan nadat hy 28-jaar tronkstraf uitgedien het vir die sluipmoord op die SAKP-leier, Chris Hani, in 1993. Schreiber het bevestig Waluś sal vandag teruggestuur word na sy vaderland nadat hy sy parooltydperk voltooi het:

# Die DA-leier, John Steenhuisen sê daar is geen merkbare ingrypings in die waterkrisis nie. Hy het op ‘n nuuskonferensie gepraat oor die toenemende krisis rondom skoon watervoorsiening in Suid-Afrika. Steenhuisen beweer die swak instandhouding van infrastruktuur, korrupsie en munisipale ineenstorting het die betroubare voorsiening in honderde dorpe in die gedrang gebring. Hy beklemtoon die werk moet op munisipale vlak begin:

# Suid-Afrika en die Amerikaanse stad Atlanta het ‘n ooreenkoms onderteken rakende die Atlanta Phambili-projek om handel en belegging tussen die twee streke ‘n hupstoot te gee. Die ooreenkoms is bekragtig tydens ‘n seminaar wat die Departement van Handel, Nywerheid en Mededinging aangebied het. Die projek het ten doel om Atlanta as ‘n toegangspoort te gebruik om gemeenskaplike begrip en gedeelde welvaart te bevorder, en wedersyds voordelige kennis uit te ruil. Dit versterk bande in sektore soos finansies, tegnologie en logistiek.

# Motorsport: Charles en Arthur Leclerc het die eerste broers geword wat saam as spanmaats in Formule Een jaag in die eerste oefening van die laaste Grand Prix in Abu Dhabi. Die 24-jarige Arthur was verlede seisoen in Formule Twee en is ‘n ontwikkelingsjaer by Ferrari. Charles is derde op die bestuurders-punteleer. Broers het al saam aan F1 deelgeneem, soos Michael en Ralf Schumacher, maar nie in dieselfde span nie. McLaren is tans 21 punte voor Ferrari in die vervaardigerskampioenskap.

# En die finansiële aanwysers: Die rand verhandel teen 18-rand-4-sent teen die dollar, 19-rand-8-sent teen die euro en 23-rand-3-sent teen die pond. Bitcoin verhandel teen 97-duisend-998-dollar. Die prys van goud is twee-duisend-634-dollar-57-sent per fynons en die prys van Brent-ruolie 71-dollar-30-sent per vat.

Bly ingeskakel vir meer nuus……………….