Nuus 17:00

BULLETIN NUUSAGENTSKAP 16 September 5 nm

Goeiemiddag. Ek is……..

In die bulletin:

# Die ATM veroordeel 82% ondernemings vir pensioenfondse wat weerhou word
# Minister Nkabane spreek uitdagings en oplossings vir studentebefondsing aan
# En, rugby: Wallabies-flank verwar ‘n gebreekte hand met ‘n ligamentprobleem

# Die African Transformation Movement het die ANC-regering beskuldig dat hulle nie die wydverspreide uitbuiting van werkers se pensioenfondse aanspreek nie. Volgens die party het 82-persent van Suid-Afrikaanse ondernemings nie pensioenbydraes in 2023/2024 betaal nie, wat ernstige wanbestuur en korporatiewe hebsug weerspieël. Die ATM se woordvoerder, Zama Ntshona, het die regering gekritiseer vir sy gebrek aan optrede en eis onmiddellike maatreëls om die verlore fondse te herwin en diegene wat verantwoordelik is aanspreeklik te hou:

# Die minister van Hoër Onderwys en Opleiding, Nobuhle Nkabane, het bevestig volgende jaar se Nasionale Finansiële Hulpskema vir Studente se aanlyn aansoekproses sal Vrydag amptelik begin. Dit volg ná ‘n vertraging om aandag te skenk aan stelselverbeterings en sluit terugvoer van onlangse raadpleging met studentegroepe en institusionele leiers in. Nkabane het tydens ‘n media-inligtingsessie leerders in matriek en dié in graad nege tot elf aangemoedig om aansoek te doen vir finansiële hulp:

# Die DA het ‘n ontstellende neiging aangemeld oor afpersers wat maatskaplike werkers in kwesbare gemeenskappe in die Wes-Kaap teiken. Die party doen ‘n beroep op die staat om meer beskerming vir hierdie noodsaaklike diensverskaffers te verseker. Wendy Kaizer-Philander sê maatskaplike werkers, wat reeds kwesbaar is vir aanvalle en kapings, het die afgelope jaar 41 voorvalle aangemeld, insluitend aanrandings en rooftogte:

# Suid-Afrika se poging om vaardige professionele persone met ‘n nuwe afstandwerkvisum te lok, is vertraag weens wysigings aan belastingregulasies. Die minister van Binnelandse Sake, Leon Schreiber, het belastingverwante aanpassings as die rede vir die vertraging genoem, ná ‘n aanvanklike terugslag weens kwessies rondom prosedures. Die plan, wat president Cyril Ramaphosa 2022 aangekondig het, het ten doel om werkspermit-uitdagings te vergemaklik, maar daar is steeds ‘n agterstand van meer as 300-duisend aansoeke. Die ontplooiing sal voortgaan sodra belastingskwessies opgelos is.

# Rugby: Fraser McReight van Australië herstel na ‘n operasie nadat hy in die toetse in Julie met ŉ gebreekte hand gespeel het. Volgens die flank was hy onder die indruk dis ŉ ligamentprobleem maar was onbewus sy hand is gebreek. Hy is egter slaggereed vir Saterdag se wedstryd in die Rugbykampioenskap teen Nieu-Seeland in Sydney. McReight het sy hand in die eerste toets van die seisoen teen Wallis gebreek. Die Wallabies het albei tuistoetse teen Suid-Afrika verloor met ‘n 67-27 loesing deur Argentinië in Santa Fe.

# En die finansiële aanwysers: Die rand verhandel teen 17-rand-65-sent teen die dollar, 19-rand-64-sent teen die euro en 23-rand-31-sent teen die pond. Bitcoin verhandel teen 58-duisend-588-dollar-15-sent. Die prys van goud is twee-duisend-585-dollar-38-sent per fynons en die prys van Brent-ruolie 72-dollar-95-sent per vat.

Bly ingeskakel vir meer nuus……………….