Nuus 16:00

BULLETIN 5 Maart 4 nm

Goeiemiddag. Ek is……..

In die bulletin:

# Gauteng onderneem om die e-tol-kwessie teen 31 Maart op te los
# Die raad van die Padongelukkefonds het met misdadigheid te kampe te midde van ‘n geskil met die ouditeur-generaal
# En rugby: Bongi Mbonambi vra die skeidsregter in die Leeus-kragmeting om verskoning

# Die Gautengse LUR vir Finansies, Jacob Mamabolo, het ‘n vaste verbintenis verklaar om die e-tol-kwessie teen die einde van hierdie maand op te los. Dit volg op ‘n beleidsverklaring in 2022, toe die provinsie ingestem het om 30-persent by te dra tot die Suid-Afrikaanse Nasionale Padagentskap se skuld, terwyl die nasionale regering die oorblywende 70-persent sal dek. Mamabolo het in sy provinsiale begrotingstoespraak gesê tolhekligte en kameras sal bly vir wetstoepassing, en padgebruikers kan voortgaan om e-toestelle by ander tolplazas te gebruik:

# Die raad van die Padongelukkefonds het te doen met dreigende misdadigheid te midde van ‘n geskil met die ouditeur-generaal. In weerwil van ‘n nuwe raad, bly litigasie teen die OG onveranderd, en lei tot kritiek. Die onenigheid gaan oor die rekeningkundige gehalte van die fonds se finansiële bevindinge. Tot nou toe was daar nog geen kommentaar deur die toepaslike owerhede nie. Die fonds het sy rekeningkundige standaard onlangs eensydig verander, en dit het tot ‘n gekwalifiseerde oudit gelei. Kommer duur voort oor die raad se hantering van die kwessie, met talle oproepe vir aanspreeklikheid.

# Mpumalanga se LUR vir Gemeenskapsveiligheid, Sekerheid en Skakeling, Vusi Shongwe, sê dit lyk of die aantal skietvoorvalle snags by vermaaklikheidsplekke toeneem. Drie mense is doodgeskiet toe twee gewapende mans Sondagaand in ‘n taverne in Tweefontein goedsmoeds op mense begin losbrand het. Die departement se woordvoerder, Moeti Mmusi, sê ander skietgevalle wat naby tavernes plaasgevind het, is ook in Mantengelani in Bosbokrand, Piet Retief en Mayflower aangemeld:

# Die Departement van Basiese Onderwys het alle openbare skole aangemoedig om hul planne te finaliseer en hierdie maand die 2024-skoolbeheerliggaam-verkiesings te hou. Minister Angie Motshekga het verlede jaar die datums vir die verkiesings in die Staatskoerant bevestig. Dit stel skoolgemeenskappe in staat om beleide en besluite te bepaal wat die opvoedkundige landskap vir jare kan beïnvloed. Die departement se woordvoerder, Elijah Mhlanga, sê versterkte vennootskappe is die vlam wat vordering aanvuur:

# Rugby: Die kaptein van die Haaie, Bongi Mbonambi, het om verskoning gevra vir sy gedrag teenoor die skeidsregter, Aimee Barrett-Theron, tydens Saterdag se kragmeting met die Leeus op Ellispark. Sy het die Springbok-haker gevra om aan haar dieselfde respek te betoon as wat sy aan hom betoon. Mbonambi sê sy emosies het die oorhand gekry toe sy span onder druk was, maar benadruk hy het die grootste respek vir beamptes en dit was nooit sy bedoeling om onbeskof of moeilik te wees nie. Die Leeus het die wedstryd 40-10 gewen.

# En die finansiële aanwysers: Die rand verhandel teen 18-rand-99-sent teen die dollar, 20-rand-60-sent teen die euro en 24-rand-8-sent teen die pond. Bitcoin verhandel teen 66-duisend-996-dollar-6-sent. Die prys van goud is twee-duisend-122-dollar-16-sent per fynons en die prys van Brent-ruolie 82-dollar-27-sent per vat.

Bly ingeskakel vir meer nuus……………….