Nuus 16:00

BULLETIN 6 Mei 4 nm

Goeiemiddag. Ek is……..

In die bulletin:

# Ramaphosa was onbewus van die teenwoordigheid van ‘n persoon van belang tydens ‘n ontmoeting in Zimbabwe 
# Die DA in KwaZulu-Natal se kongres is gereed vir die naweek se leierskapsverkiesing
# En gholf: Cameron Smith glo LIV Gholf sal voortbestaan ondanks die verlies van finansiële steun uit Saoedi-Arabië

# Die Presidensie is bekommerd oor berigte dat ‘n persoon van belang vir Suid-Afrikaanse wetstoepassing deel was van ‘n afvaardiging tydens president Cyril Ramaphosa se onlangse besoek aan Zimbabwe. Woordvoerder Vincent Magwenya sê Ramaphosa was nie bewus van die persoon se teenwoordigheid nie en het op uitnodiging van president Emmerson Mnangagwa gereis. Magwenya voeg by die saak ontvang die nodige aandag:

# Die Madlanga-kommissie het die verskyning van die KwaZulu-Natalse hoof van die Valke, Lesetja Senona, tot volgende maand uitgestel. Getuienisleier Mahlape Sello het voortgesette arbeidsaangeleenthede met die Suid-Afrikaanse Polisiediens aangehaal. Senona is onder streng ondersoek na die verdwyning van 541-kilogram kokaïen ter waarde van sowat 200-miljoen-rand uit die Valke se pakhuis in Port Shepstone in 2021. Sello sê voorsitter Mbuyiseli Madlanga het die uitstel aanvaar:

# Voorbereidings is voltooi vir die DA in KwaZulu-Natal se provinsiale kongres hierdie naweek. Afgevaardigdes sal in Durban vergader om nuwe leiers te kies voor die plaaslike regeringsverkiesing van 4 November. Minstens tien kandidate ding mee om die pos van adjunk-voorsitter. Die huidige adjunk-speaker in die provinsiale wetgewer, Mmabatho Tembe, en die onder-burgemeester van die Umngeni-munisipaliteit, Sandile Mnikathi, is onder die kandidate. Die party beklemtoon sy verbintenis om die MK-party en die EFF uit die regering te hou deur hul reddingsending in die provinsie.

# Polisie en immigrasiebeamptes is op ‘n hoë gereedheidsgrondslag by die Lebombo-grenspos in Mpumalanga weens dreigemente van versetoptrede aan die Mosambiekse kant. Grensowerhede hou die situasie noukeurig dop om veiligheid te verseker en ontwrigting van oorgrensbeweging te voorkom. Veiligheid is versterk in afwagting van moontlike onrus, hoewel geen voorvalle nog aangemeld is nie. Amptenare sê dit is voorsorgmaatreëls om orde te handhaaf en reisigers en personeel te beskerm.

# Gholf: Die Australiese major‑wenner Cameron Smith glo LIV Gholf sal oorleef al het die Saoedi-Arabiese Openbare Beleggingsfonds aangekondig sy befondsing word ná hierdie seisoen gesny. Die fonds het 81-miljard-rand aan LIV bestee sedert dit in 2022 bekendgestel is. Smith het vroeg oorgeskuif, glo vir ‘n aanmeldingsfooi van 1,6-miljard-rand, en het sedertdien ongeveer 800-miljoen-rand se prysgeld verdien. Die wenner van 2022 se Britse Ope sê hy het die versekering gekry dat die toer volgende jaar sal voortgaan.

# En die finansiële aanwysers: Die rand verhandel teen 16-rand-38-sent teen die dollar, 19-rand-27-sent teen die euro en 22-rand-31-sent teen die pond. Bitcoin verhandel teen 82-duisend-362-dollar. Die prys van goud is vier-duisend-682-dollar-26-sent per fynons en die prys van Brent-ruolie is 101-dollar-4-sent per vat.

Bly ingeskakel vir meer nuus……………….