Nuus 16:00

BULLETIN 14 April 4 nm

Goeiemiddag. Ek is……..

In die bulletin:

# Die Amerikaanse ambassadeur Brent Bozell voer gesprekke met oudpresident Mbeki
# Rugby: Alles is op die spel vir die Suid-Afrikaanse spanne wanneer die Verenigde Rugbykampioenskap hierdie naweek hervat
# En die Suid-Afrikaanse Weerdiens waarsku oor skadelike nat weer in Gauteng

# Die Amerikaanse ambassadeur in Suid-Afrika, Brent Bozell, was op ‘n hoflikheidsbesoek aan oudpresident Thabo Mbeki by die Thabo Mbeki-stigting in Johannesburg. Die vergadering was deel van Bozell se breër uitreikpogings om met Suid-Afrikaanse belanghebbendes te skakel nadat hy sy geloofsbriewe aan president Cyril Ramaphosa oorhandig het. Hulle het bilaterale betrekkings en die versterking van Amerikaans-Suid-Afrikaanse betrekkinge bespreek, gegrond op wedersydse respek en met die klem op hoe belangrik samewerking is.

# Die mynwerkersvakbond N-U-M het steun uitgespreek vir ‘n groepsgeding teen steenkoolmynmaatskappye, insluitend South32, BHP Billiton en Seriti Power, namens gemeenskappe wat deur steenkool geraak word. Die vakbond voer aan werkers en nabygeleë inwoners in Mpumalanga en dele van Limpopo ly al dekades lank weens onveilige toestande en korporatiewe nalatigheid, wat asemhalingsiektes en omgewingskade veroorsaak. Woordvoerder Livhuwani Mammburu vra vergoeding vir gemeenskappe wat geraak word:

# Die adjunkminister van Handel, Nywerheid en Mededinging, Zuko Godlimpi, verwelkom die ondertekening van fase twee van die Suikerriet-waardeketting-meesterplan tot 2030. Hy sê die plan sal fokus op verskeidenheid, werkskepping en die herbenutting van suikerriet as ‘n breër nywerheidshulpbron. Fase twee bou voort op vroeëre pogings om die sektor bestendig te maak. Belanghebbendes sê die plan sal meer as ‘n miljoen mense se voortbestaan ondersteun, kleinskaalse produsente versterk en plaaslike produksie bevorder te midde van stygende koste en toenemende mededinging van invoere.

# Rugby: Die Verenigde Rugbykampioenskap hervat hierdie naweek na ‘n onderbreking van twee weke, met baie op die spel vir Suid-Afrikaanse spanne. Die Stormers is tans tweede op die punteleer na Glasgow Warriors van Skotland, die Leeus vyfde, die Bulle agtste en die Haaie tiende, met al die spanne wat nog die uitspeelrondes kan haal. Die Bulle speel hierdie naweek teen die Dragons in Wallis, die Stormers verwelkom die Ierse span Connacht in Kaapstad, die Leeus is gasheer vir Glasgow in Johannesburg, en die Haaie speel teen Ospreys in Wallis.

# Die finansiële aanwysers: Die rand verhandel teen 16-rand-36-sent teen die dollar, 19-rand-30-sent teen die euro en 22-rand-21-sent teen die pond. Bitcoin verhandel teen 74-duisend-317-dollar. Die prys van goud is vier-duisend-766-dollar-39-sent per fynons en die prys van Brent-ruolie is 94-dollar-62-sent per vat.

# En ten slotte: Die Suid-Afrikaanse Weerdiens het ‘n waarskuwing uitgereik oor vernietigende nat weer in Gauteng namate reën voortduur in dele van die provinsie. Weervoorspeller, Lehlohonolo Thobela, sê daar is ‘n gevaar van skade aan infrastruktuur, eiendom en voertuie as gevolg van verspreide buie. Hy versoek inwoners in laagliggende gebiede om versigtig te wees, nie strome oor te steek nie en kinders naby riviere dop te hou:

Bly ingeskakel vir meer nuus……………….