Nuus 16:00

BULLETIN NUUSAGENTSKAP 26 November 4 nm

Goeiemiddag. Ek is……..

In die bulletin:

# Die ATM daag die ANC se verwerping van optrede teen Ramaphosa oor Phala Phala in die Konstitusionele Hof uit 
# ‘n Voormalige SAL-raadslid Yakhe Kwinana word borgtog van 20-duisend-rand toegestaan
# En, krieket: Suid-Afrika en Sri Lanka pak mekaar van môre af in die eerste van twee toetse 

# Die African Transformation Movement vra die Konstitusionele Hof om die ANC se besluit om te keer om president Cyril Ramaphosa nie in ‘n staat van beskuldiging te plaas oor die Phala Phala-skandaal nie. Die ATM en die EFF betoog die Parlement se besluit om nie op te tree nie, was irrassioneel en onregmatig. Die ATM se regsverteenwoordiger, Anton Katz, het die onafhanklike paneel se verslag verdedig en sê prima facie-bewyse is voldoende om optrede teen Ramaphosa te regverdig:

# ‘n Voormalige raadslid van die Suid-Afrikaanse Lugdiens, Yakhe Kwinana, is borgtog van 20-duisend-rand toegestaan ​​nadat sy op aanklagte van bedrog in die Landdroshof in Palm Ridge, Gauteng, verskyn het. Die staat voer aan sy het nagelaat om vooraf haar kontraktuele bande met PwC en Nkonki Incorporated aan die direksie en die ouditkomitee van die SAL te rapporteer, wat in 2011/2012 SAL se toekenning van tenders beïnvloed en tot onreëlmatighede met tenders gelei het. Die saak is tot 10 Desember uitgestel vir afhandeling van die dossier.

# ActionSA sê Suid-Afrika bly onveilig, met ongebreidelde misdaad wat steeds grootliks voortgaan, nadat die misdaadsyfer ‘n opwaartse neiging vanaf die vorige kwartaal getoon het. Die ActionSA-lid, Dereleen James, sê tussen Julie en September vanjaar is ‘n skrikwekkende ses-duisend-545 moorde gepleeg in Suid-Afrika, wat ‘n verbysterende getal van 71 moorde per dag, of 3 elke uur beteken. Sy sê die omvang van geweld, veral teen vroue en kinders, bly uiters kommerwekkend:

# China sê hy het sy Lugmag en Vloot ontplooi om ‘n Amerikaanse militêre vliegtuig te monitor terwyl dit oor polities-sensitiewe water gevlieg het wat China en Taiwan skei. Amerika en sy bondgenote beweeg gereeld per skip of vliegtuig deur die Straat van Taiwan om die internasionale status van die waterweg te bevestig, en dit ontstig Beijing. China beskou Taiwan as sy grondgebied en maak aanspraak op jurisdiksie oor die watermassa wat die twee skei. Om sy aansprake te bevestig, ontplooi Beijing gereeld vegvliegtuie en oorlogskepe om die eiland.

# Krieket: Die Proteas en Sri Lanka, wat albei nog goed geplaas is om die eindstryd van die Wêreld-toetskampioenskap te haal, speel van môre af in die eerste van twee toetse teen mekaar. Die eerste toets word in Durban gespeel waar die besoekers tot dusver al drie toetse teen die gashere gewen het. Die tweede begin die vyfde van volgende maand in Gqeberha. Sri Lanka is op die oomblik derde op die toetsranglys na Indië en Australië, gevolg deur Nieu-Seeland en Suid-Afrika.

# En die finansiële aanwysers: Die rand verhandel teen 18-rand-9-sent teen die dollar, 19-rand-5-sent teen die euro en 22-rand-78-sent teen die pond. Bitcoin verhandel teen 92-duisend-541-dollar. Die prys van goud is twee-duisend-634-dollar-11-sent per fynons en die prys van Brent-ruolie 73-dollar-13-sent per vat.

Bly ingeskakel vir meer nuus……………….