Nuus 16:00
BULLETIN NUUSAGENTSKAP 22 November 4 nm
Goeiemiddag. Ek is……..
# Suid-Afrika is boaan die Verenigde Nasies lys vir seksuele uitbuiting in vredesoperasies
# Krieket: Talle paaltjies kantel op die eerste dag van die eerste toets tussen Australië en Indië
# En, ‘n StatsSA-opname toon dalende neigings in dagvaardings en vonnisse vir siviele skuld
# Suid-Afrika is boaan die Verenigde Nasies se lys vir seksuele uitbuiting en mishandeling tydens vredesoperasies. Die VN onthul daar was sedert 2006 meer as 700 vaderskaps-eise, met 85-persent vir militêre vredesmagte. Hiervan was 111 eise teen Suid-Afrikaanse soldate. Suid-Afrika het onderneem om saam met die VN te werk om hierdie eise op te los. Die sekretaris-generaal van die VN, Antonio Guterres, versoek lidlande om aandag te gee aan kwessies van vaderskap en ondersteuning van kinders:
Die Suider-Afrikaanse Ontwikkelingsgemeenskap het intussen die mandaat van die Suid-Afrikaans-geleide sending in die ooste van die Demokratiese Republiek die Kongo met ‘n jaar verleng. Dit sluit ook soldate van Tanzanië, Malawi en Burundi in, en is ‘n teenvoeter vir die rebelle van die M23-beweging wat meer as 60-persent van Noord-Kivu beheer. Selfs met internasionale steun kon die sending nie noemenswaardige oorwinnings behaal oor M23 nie, wat na bewering deur Rwanda gesteun word. Die SAOG se uitvoerende sekretaris, Elias Mogosi, sê die sending sal tot Desember 2025 voortduur, onderhewig aan hersiening.
# Die uitvoerende hoof van Mr Price, Mark Blair, het vordering uitgewys weens onlangse belastingwysigings wat Shein en Temu teiken, met verwysing na toenemende plaaslike klagtes oor hulle hoër pryse. Hy sê Mr Price het markaandeel gewen in vyf van die ses maande gedurende sy tussentydse tydperk, met sy algehele inkomste wat met vyf-persent gestyg het tot 17,6-miljard rand. Blair sê selfs met die belastingwysigings het Shein en Temu wortel geskiet, en plaaslike kleinhandelaars sal moet aanpas. E-handel het in November ‘n dubbelsyfergroei getoon, hoewel dit onduidelik is of belastingveranderings dit aangevuur het.
# Krieket: Die gasheer, Australië, hervat môre sy eerste beurt op 67 vir sewe na ‘n eerste dag met lae tellings in die eerste toets teen Indië in Perth. Indië se waarnemende kaptein, Jasprit Bumrah, het die loot gewen en besluit om te kolf maar sy span is vir net 150 uitgeboul. Nitish Kumar Reddy se 41 was die hoogste telling en Josh Hazlewood het vier paaltjies geneem. Australië het nog treuriger begin en teen uitskeityd was Alex Carey se onoorwonne 19 die hoogste telling. Bumrah het vier paaltjies ingeoes.
# Die finansiële aanwysers: Die rand verhandel teen 18-rand-4-sent teen die dollar, 18-rand-77-sent teen die euro en 22-rand-56-sent teen die pond. Bitcoin verhandel teen 98-duisend-769-dollar. Die prys van goud is twee-duisend-698-dollar-8-sent per fynons en die prys van Brent-ruolie 73-dollar-19-sent per vat.
# En ten slotte: Statistieke Suid-Afrika berig ‘n afname in hofsake oor siviele skuld in sy jongste opname vir September. Siviele dagvaardings vir skuld het in die derde kwartaal met 12-persent gedaal vergeleke met dieselfde tydperk verlede jaar. Siviele vonnisse vir skuld het ook op ‘n jaargrondslag met 6,7-persent gedaal. Statistieke SA se woordvoerder, Onica Mushwana, sê die totaal vir vonnisse het altesaam 298,8-miljoen-rand beloop, met lenings en dienste die vernaamste bydraers:
Bly ingeskakel vir meer nuus……………….