Nuus 16:00

BULLETIN 14 Augustus 4 nm

Goeiemiddag. Ek is……..

In die bulletin:

# Die voormalige hoof van Steinhoff, Markus Jooste, se boedel word voorlopig insolvent verklaar
# Shell verloor sy hofsaak oor aflandige verkenning
# En swem: Frankryk se Olimpiese medaljewenner tree uit op 35

# Die Wes-Kaapse Hooggeregshof het die boedel van die voormalige uitvoerende hoof van Steinhoff, Markus Jooste, voorlopig insolvent verklaar, meer as twee jaar nadat hy selfdood gepleeg het. News24 berig die aansoek is gebring deur Reclamation Advisory, wat vroeër vanjaar eise teen die boedel verkry het. ‘n Voorlopige trustee sal nou aangestel word om die boedel te bestuur en enige oorblywende bates op te spoor. Wanneer die hof ‘n finale bevel uitreik, kan die bates verkoop word om krediteure terug te betaal.

# Die Konstitusionele Hof het beslis Shell se aflandige olie- en gas-verkenning kan nie voortgaan nie. Dis ‘n terugslag vir die onderneming ná jare se regsuitdagings deur gemeenskappe wat geraak word en omgewingsgroepe. Dit stel die Appèlhof se uitspraak van 2024 tersyde, wat aflandige verkenning gesteun het. Die beslissing sal na verwagting olie- en gasverkenning langs Suid-Afrika se kuslyn verder vertraag. Voortdurende regsgedinge het reeds beleggersvertroue geknou en verskeie aflandige verkenningsprojekte uitgestel.

# Die minister van Kommunikasie en Digitale Tegnologieë, Solly Malatsi, het veranderings aangekondig aan die leierskap van die swart ekonomiese bemagtigingsraad vir die Inligtings- en Kommunikasietegnologie-sektor. Minki Mazibuko-Thulo is met onmiddellike ingang onthef van haar pligte as voorsitter ná raadslede en belanghebbendes kommer uitgespreek het, asook bevindings van ‘n departementele ondersoek. Malatsi sê die veranderings het ten doel om die raad se werksaamhede te verbeter en hervorming in die sektor te bevorder:

# Swem: Die sesmalige Olimpiese medaljewenner Florent Manaudou van Frankryk het sy uittrede aangekondig op die ouderdom van 35. Sy laaste kompetisie was in Oktober 2024, net ná die Olimpiese Spele in sy hoofstad, Parys. Manaudou het goud gewen in die 50-meter vryslag op die Spele in Londen in 2012. Hy het ook altesaam drie silwermedaljes en twee brons ingepalm op die Speles in Rio en Tokio. Manaudou het vier wêreldtitels gewen. Sy broer, Laure, is ook ‘n Olimpiese gouemedaljewenner.

# Die finansiële aanwysers: Die rand verhandel teen 16-rand-16-sent teen die dollar, 18-rand-69-sent teen die euro en 21-rand-88-sent teen die pond. Bitcoin verhandel teen 62-duisend-782-dollar. Die prys van goud is vier-duisend-379-dollar-15-sent per fynons en die prys van Brent-ruolie is 89-dollar-49-sent per vat.

# En ten slotte: Die Nasionale Dobbelraad maan landsburgers om hul huishoudelike finansies te beskerm en versigtig te wees wanneer hulle dobbel. Volgens Ou Mutual se jongste spaar- en beleggingsmonitor dobbel 53-persent van werkende Suid-Afrikaners terwyl 42-persent sê hulle dobbel dikwels om uitgawes of skuld te dek. Sportweddenskappe is die algemeenste dobbelgewoonte, gevolg deur slotmasjiene en die Lotto. Waarnemende hoof Lungile Dukwana sê hulle sal voortgaan om die belangrikheid van verantwoordelike dobbel te beklemtoon:

Bly ingeskakel vir meer nuus……………….