Nuus 15:00

BULLETIN NUUSAGENTSKAP 5 Desember 3 nm

Goeiemiddag. Ek is……..

In die bulletin:

# Die kabinet neem ferm standpunt in oor voedseloordraagbare siektes
# Suid-Afrikaanse verbruikersvertroue bereik die hoogste feestydvlak sedert 2019
# En, rugby: Die eerste Springbok-afrigter ná isolasie, John Williams, sterf op 78

# Die kabinet het besluit om maatreëls teen voedseloordraagbare siektes te versterk om openbare gesondheid te beskerm. Die regering sal hom toespits op beter regulasies vir voedselveiligheid, inspeksies en bewusmaking. Die minister in die Presidensie, Khumbudzo Ntshavheni, het aan die media gesê vinnige optrede is van kardinale belang om voedseloordraagbare siektes te voorkom en te bestuur om te verseker behoorlike maatreëls is getref om die publiek te beskerm teen gesondheidsgevare wat met kos verband hou:

# Suid-Afrikaanse verbruikersvertroue het sy hoogste feestydvlak sedert 2019 bereik, ondanks ‘n effense daling in die Desember-syfer tot minus-6, vanaf minus-5 in die vorige kwartaal. Dit dui op ‘n beduidende verbetering van minus-17 ‘n jaar gelede. Vertroue onder hoë-inkomsteverdieners het gestyg, maar middelklas-inkomstegroepe toon ‘n afname. Die optimistiese bui is onder andere aangewakker deur laer inflasie, die einde van beurtkrag en die regering van nasionale eenheid, maar kommer oor die ekonomie en die verswakking van die rand het die optimisme effens gedemp.

# Die vakbond Giwusa versoek gemeenskappe om dringend te mobiliseer vir ‘n veldtog van massabetogings en besettings om die heropening van verlate myne in Suid-Afrika te eis. Woordvoerder Koketso Phasha sê die Ministerie van Minerale Bronne berig meer as tweeduisend van die ses-duisend-100 verlate myne bevat steeds aansienlike mineraalreserwes wat winsgewend ontgin kan word. Volgens hom dit is genoeg om miljoene werksgeleenthede te skep:

# Rugby: Die eerste Springbok-afrigter nadat Suid-Afrika se isolasie beëindig is, John Williams, het op die ouderdom van 78 gesterf. Hy is in ‘n Pretoriase hospitaal dood nadat hy 10-dae lank in ‘n koma was. Williams het die Springbokke in 1992 afgerig ná ‘n uitmuntende loopbaan as slot vir die Bulle en die Bokke in die 1970’s en het 13 toetse gespeel. Hy het as afrigter verskeie Curriebekers vir Noord-Transvaal gewen.

# Die finansiële aanwysers: Die rand verhandel teen 18-rand-4-sent teen die dollar, 18-rand-99-sent teen die euro en 22-rand-94-sent teen die pond. Bitcoin verhandel teen 102-duisend-433-dollar. Die prys van goud is twee-duisend-649-dollar-7-sent per fynons en die prys van Brent-ruolie 72-dollar-54-sent per vat.

# En ten slotte: Taylor Swift se Eras Tour-boek wat slegs by Target beskikbaar is, het in die eerste twee dae 814-duisend eksemplare verkoop. Dit is die tweede meeste boeke in ‘n week sedert Bookscan in 2001 begin het om verkope te monitor. Die boek van 256 bladsye wat haar Eras Tour herdenk, bevat foto’s van die toer wat nog nooit voorheen gesien is nie saam met stories en Swift se eie herinneringe. Die voormalige Amerikaanse president, Barack Obama, se A Promised Land het 816-duisend eksemplare verkoop toe dit in 2020 uitgegee is.

Bly ingeskakel vir meer nuus……………….