Nuus 15:00

BULLETIN NUUSAGENTSKAP 25 September 3 nm

Goeiemiddag. Ek is……..

In die bulletin:

# Fikile Mbalula sê die BELA-wet sal in werking gestel word deur die regering van nasionale eenheid 
# Suid-Afrika se staalbedryf is in gevaar weens ‘n krisis te midde van lae aanvraag
# En, sokker: UEFA soek ‘n nuwe gasheerstadion vir die 2027 Kampioeneliga-eindstryd

# Die ANC se sekretaris-generaal, Fikile Mbalula, sê president Cyril Ramaphosa het die Wysigingswet op Basiese Onderwyswette bekragtig, en die regering van nasionale eenheid sal dit in werking stel. Hy het die openingsrede gelewer op Cosas se 20ste nasionale konferensie in die Vrystaatse hoofstad, Bloemfontein. Mbalula sê die Bela-wet bevestig presies wat die studenteliggaam die afgelope jare verteenwoordig het:

# Suid-Afrika se staal- en verwante nywerhede sê hulle is in ‘n krisis gedompel weens dalende aanvraag en die regering se voorkeur vir Chinese verskaffers. Plaaslike vervaardigers by die Metaal- en ingenieursbedrywe-ministeriële konferensie, het kommer uitgespreek oor groot kontrakte wat aan Chinese verskaffers toegeken is. Die Federasie van Staal- en Ingenieursbedrywe het uitdagings uitgelig, insluitend stadige ekonomiese groei en regerings-besluiteloosheid. Bedryfsleiers bepleit samewerking tussen die regering en plaaslike ondernemings om ‘n volhoubare, mededingende toekoms te skep.

# Mense onttrek glo geld ingevolge die tweepot-aftreestelsel sonder om te besef waarvoor hulle hulself inlaat. Dit het drie weke gelede ingetree. Volgens die Liberty-groep is die groep wat die meeste onttrek middeljarige, middelinkomste-verdieners met 52-persent van aansoeke van mans ouer as 35. ‘n Woordvoerder van die groep, Gurshulle Neethling, het op EWN gewaarsku om geld uit aftreespaargeld te onttrek kan lei tot beduidende langtermyn verliese met sommige lede wat minder as ‘n duisend-rand ontvang weens belastingaftrekkings:

# Sokker: UEFA wag vir aansoeke om die Kampioeneliga-eindstryd in 2027 aan te bied, nadat dit van die San Siro-stadion in Milaan weggeneem is. Die Italiaanse Sokkerfederasie kon UEFA nie die versekering gee dat die werk aan die beplande herontwikkeling van die stadion nie inbreuk sal maak op die geleentheid nie. San Siro is die tuisveld van AC Milan en Inter Milan en het die Kampioeneliga-eindstryd laas in 2016 aangebied. 2025 se eindstryd sal op 31 Mei in die Allianz Arena in München plaasvind.

# Die finansiële aanwysers: Die rand verhandel teen 17-rand-20-sent teen die dollar, 19-rand-24-sent teen die euro en 22-rand-99-sent teen die pond. Bitcoin verhandel teen 63-duisend-585-dollar-47-sent. Die prys van goud is twee-duisend-655-dollar-29-sent per fynons en die prys van Brent-ruolie 74-dollar-56-sent per vat.

# En ten slotte: Die Pan-Suid-Afrikaanse Taalraad werk saam met Google om spraak-tot-teks-datastelle vir kantlyn-amptelike tale te skep. Dit volg nadat sommige veteraan-uitsaaiers die dalende gebruik van behoorlike taal gekritiseer het, veral in radioprogramme. Die raad het die publiek versoek om die verkeerde gebruik van amptelike tale aan te meld. Uitvoerende hoof Lance Schultz beklemtoon hoe belangrik dit is om inheemse tale te behou en teen hul agteruitgang gewaarsku. Ondanks kommer meen sommige uitsaaiers egter die gebruik van omgangstaal op leefstylprogramme verhoog graderings.

Bly ingeskakel vir meer nuus……………….