Nuus 14:00

BULLETIN 21 September 2 nm

Goeiemiddag. Ek is……..

In die bulletin:

# Ramaphosa bevestig die ANC se nasionale uitvoerende komitee sal oor die OVK-geskil besluit
# Aansoeke open om spesiale stemme vir die plaaslike regeringsverkiesing
# En krieket: Australië kom in Suid-Afrika aan vir die eendag- en toetsreeks teen die Proteas

# Die ANC se president, Cyril Ramaphosa, sê die nasionale uitvoerende komitee sal besluit oor die geskil met die Verkiesingskommissie. Die party het versuim om betyds 181 kandidate te registreer in ses munisipaliteite in die Oos-Kaap, KwaZulu-Natal en die Vrystaat, en hul name verskyn nou nie op die finale kandidatelyste nie. Die Kieshof het die ANC se aansoek teen die besluit geweier. Ramaphosa sê die party sal die volgende stappe bekend maak:

Die Verkiesingskommissie sê intussen aansoeke vir spesiale stemme vir November se plaaslike regeringsverkiesing is nou amptelik oop. Geregistreerde kiesers wat nie op verkiesingsdag by hul aangewese stempunt kan stem nie, word aangemoedig om aansoek te doen om op ‘n voorafbepaalde dag te stem. Hierdie voorsiening is vir kiesers wat fisiek verswak, gestremd of swanger is of nie na hul stempunt kan reis nie. Die OVK sê aansoekers moet Suid-Afrikaanse burgers, geregistreerde kiesers en minstens 18-jaar oud wees.

# Die minister van Internasionale Betrekkinge en Samewerking, Ronald Lamola, het die Amerikaanse president, Donald Trump, se Afrikaner-hervestigingsprogram gekritiseer as ‘n rasgegronde benadering. Hy het op die Afrika-diasporaforum in Washington met beleidmakers gepraat oor die versterking van bande nadat Amerika nuwe beperkings op Suid-Afrikaanse amptenare ingestel het oor grond-onteiening. Die ontleder Oscar van Heerden sê Suid-Afrika het beperkte keuses teen die wêreld se grootste ekonomie en moet druk hanteer:

# Derduisende werkers in die Duitse motorbedryf neem aan landwye betogings deel nadat Volkswagen AG ‘n winswaarskuwing uitgereik het. Die betogings, wat deur die vakbond IG Metall op meer as 280 geleenthede gereël is, fokus op werksekerheid en regeringsingryping teen hoë vervaardigingskoste. ‘n Volskaalse staking is nog nie amptelik van stapel gestuur nie, maar die onrus dui op toenemende kommer oor die toekoms van Duitsland se belangrike motorbedryf. Die krisis word grootliks toegeskryf aan ‘n verswakkende motorvervaardigingsektor en toenemende mededinging van Chinese vervaardigers.

# Krieket: Suid-Afrika se aartsvyand, Australië, kom vandag in die land aan vir ‘n toer van drie eendagwedstryde en drie toetse. Die besoekers het Zimbabwe pas 3-0 geklop in ‘n eendagreeks, hoewel gister se laaste kragmeting ‘n naelbytstryd was wat Australië eers van die voorlaaste bal kon wen met nege paaltjies plat. Die Proteas het intussen talle gereelde spelers ruskans gegee tydens die onlangse besoek aan Namibië. Die eerste eendagwedstryd tussen Suid-Afrika en Australië word Donderdag in Durban gespeel, en die eerste toets begin op dieselfde veld op 9 Oktober.

# En die finansiële aanwysers: Die rand verhandel teen 16-rand-26-sent teen die dollar, 18-rand-66-sent teen die euro en 21-rand-76-sent teen die pond. Bitcoin verhandel teen 84-duisend-531-dollar. Die prys van goud is vier-duisend-351-dollar-20-sent per fynons en die prys van Brent-ruolie is 101-dollar-60-sent per vat.

Bly ingeskakel vir meer nuus……………….