Nuus 14:00

BULLETIN 20 Oktober 2 nm

Goeiemiddag. Ek is……..

In die bulletin:

# Die DA stuur die Wetsontwerp op Ekonomiese Insluiting vir Almal van stapel
# Volodimir Zelensky sê hy sal by Trump en Putin se beraad aansluit as hy genooi word
# En rugby: Erasmus kondig ‘n toergroep van 36 spelers aan vir die Bokke se besoek aan Europa

# Die DA het die Wetsontwerp op Ekonomiese Insluiting vir Almal van stapel gestuur wat daarop gemik is om swart ekonomiese bemagtiging te vervang. Die party sê sedert SEB in 2003 ingestel is, het die ANC staatshulpbronne gebruik om sy sakke te vul in plaas daarvan om broodnodige dienste en opheffing aan die mense te lewer. Willie Aucamp van die DA sê bemagtiging moet nie oor ras gaan nie:

# Drie getuies sal vanuit skuilplekke getuig terwyl die Madlanga-kommissie voortgaan met sy ondersoek na politieke belange in wetstoepassing en kartelle in Gauteng. Die getuienisleier, Mahlape Sello, sê getuies A, B en C is polisiebeamptes wat georganiseerde misdaadnetwerke ondersoek en sal na verwagting belangrike besonderhede oor voortgesette moord- en korrupsie-ondersoeke openbaar. Sello voeg by hul gesigte sal nie gewys word nie, maar hul stemme sal wel gehoor word:

Nuus uit die buiteland: 

# Oekraïene se president, Volodimir Zelensky, sê hy is gereed om aan te sluit by ‘n beraad tussen sy ampsgenote van Rusland en Amerika, Vladimir Putin en Donald Trump, in Hongarye indien hy genooi word. Trump en Putin sê hulle sal moontlik binne ‘n paar weke vergader, terwyl Trump voortgaan met pogings vir ‘n vredesooreenkoms om die oorlog van drie en ‘n half-jaar te beëindig. Zelensky kritiseer die feit dat Hongarye geskies is omdat die Europese Unie-land beskou word as die een met die meeste simpatie vir die Kremlin.

# Rugby: Die voormalige Junior Springbok-stut en -kaptein, Zachary Porthen, het sy eerste Springbok-oproep verdien in die groep van 36 vir volgende maand se toer. Ben-Jason Dixon, Johan Grobbelaar en Gerhard Steenekamp kan die eerste keer die seisoen vir Suid-Afrika speel, terwyl Jean Kleyn, Kurt-Lee Arendse en Edwill van der Merwe terug is na beserings. Tien spelers is op bystand geplaas, insluitend Evan Roos, Bongi Mbonambi en Sebastian de Klerk. Willie le Roux is uitgelaat. Die Springbokke speel op 1 November teen Japan op Wembley in Londen.

# Die finansiële aanwysers: Die rand verhandel teen 17-rand-31-sent teen die dollar, 20-rand-18-sent teen die euro en 23-rand-23-sent teen die pond. Bitcoin verhandel teen 111-duisend-127-dollar. Die prys van goud is vier-duisend-254-dollar-92-sent per fynons en die prys van Brent-ruolie 60-dollar-84-sent per vat.

# En laastens, vanjaar se Diwali-vierings is verdeel tussen vandag en môre aangesien die Amavasya-tydperk oor twee-dae strek met verskillende sonsondergangtye. Stede waar die son ná 5.30 die middag sak, hou die vierings vandag, terwyl ander dit môre sal vier. Die Hindoe-fees verteenwoordig die oorwinning van lig oor duisternis, goed oor kwaad en kennis oor onkunde. Tempels word versier met kleurvolle ligte en feestelike versierings. Die dag word ook gekenmerk deur die Hindoe-geleentheid Lakshmi Puja om die godin van voorspoed te vereer.

Bly ingeskakel vir meer nuus……………….