Nuus 14:00

BULLETIN NUUSAGENTSKAP 10 Desember 2 nm

Goeiemiddag. Ek is……..

In die bulletin:

# Ramaphosa vra optrede teen hoë jeugwerkloosheid in Mpumalanga 
# Die DA gee Lesufi se kabinet ‘n druippunt vir dienslewering
# En Rugby Australië onthul ‘n vyfjaar-doelwit om die wêreld se nommer-een te word

# President Cyril Ramaphosa vra dringende maatreëls om die hoё werkloosheidsyfer onder Mpumalanga se jongmense aan te pak. Hy het tydens ‘n vergadering met die provinsiale uitvoerende gesag die behoefte aan inklusiewe ekonomiese groei en samewerking oor alle regeringsvlakke onderstreep om armoede en werkloosheid teen te werk. Ramaphosa het belanghebbendes versoek om saam te werk om werk te skep en lewenstandaarde in die provinsie te verbeter:

# Die DA kritiseer die regering van die Gautengse premier, Panyaza Lesufi, en ken dit ‘n swak punt van 2,9 uit tien toe in sy jaarlikse rapport. Die party se verslagkaart lig beduidende mislukkings uit van verskeie departemente, insluitend Gemeenskapsveiligheid, Gesondheid en Ekonomiese Ontwikkeling, en wys op wanbestuur, korrupsie en die versuim om kritieke teikens te haal. Woordvoerder Solly Msimanga beskryf Lesufi se leierskap as ‘n droewige mislukking en waarsku die verval in die lewering van basiese dienste beïnvloed inwoners negatief:

# Die Pretoria High School for Girls se beheerliggam betwis die Gautengse Onderwysdepartement se ondersoeke na bewerings van rassisme in die plaaslike Hooggeregshof. Die liggaam voer aan die ondersoek was onwettig en poog nou om die aanbevelings te stop en toegang tot die volledige verslag te verkry. Die departement verdedig die ondersoek, met verwysing na statutêre gesag, en dring aan ontevredenheid is nie dieselfde as onwettigheid nie. Die omstredenheid sluit bewerings van mikro-aggressie en dissiplinêre verhore in.

# Die aangewese Amerikaanse president, Donald Trump, onderneem om geboortereg-burgerskap te beëindig, waarvolgens babas wat in Amerika gebore word outomaties burgers is. Hierdie stap sal die regte wegneem van kinders van ongedokumenteerde ouers wat in die land gebore is hoewel die Grondwet daarvoor voorsiening maak. Trump het in ʼn onderhoud met NBC sy veldtogbelofte herhaal om onwettige immigrante in massas te deporteer. Volgens hom sal die program begin met ongedokumenteerde immigrante wat misdade gepleeg het.

# Rugby: Die uitvoerende hoof van Australië se beheerliggaam, Phil Waugh, sê hulle moet ambisieuse doelwitte stel as hulle die sport na ʼn volgende vlak wil neem. Rugby Australië het sy strategie vir 2025 tot ’29 bekendgemaak. Die land gaan volgende jaar gasheer wees vir die Britse en Ierse Leeus, in 2027 die mans-Wêreldbekertoernooi aanbied en in 2029 die vroue-toernooi. Waugh sê skielike omkeerpogings kan bereik word in hulle strewe om teen 2029 die beste rugby-spelende land ter wêreld te wees:

# En die finansiële aanwysers: Die rand verhandel teen 17-rand-83-sent teen die dollar, 18-rand-78-sent teen die euro en 22-rand-76-sent teen die pond. Bitcoin verhandel teen 97-duisend-837-dollar. Die prys van goud is twee-duisend-667-dollar-19-sent per fynons en die prys van Brent-ruolie 71-dollar-76-sent per vat.

Bly ingeskakel vir meer nuus……………….