Nuus 13:00

BULLETIN 28 Desember 1 nm

Goeiemiddag. Ek is……..

In die bulletin:

# Meer as 500 Zimbabwiërs is onderskep tydens ‘n poging om Suid-Afrika onwettig deur Botswana te verlaat
# Die Forum for South Africa ondersteun proaktiewe misdaadvoorkomingsmaatreëls in die land
# En, die EFF sluit aan by die Klopse-gemeenskap om die  kommersialisering van erfenis in Kaapstad te veroordeel

# Die kommissaris vir die Grensbestuursowerheid, Michael Masiapato, sê meer as 500 Zimbabwiërs wat probeer het om Suid-Afrika onwettig via Botswana te verlaat, is die afgelope paar dae by die Groblersbrug-grenspos in Limpopo onderskep. Hy sê owerhede sien ‘n duidelike beweging weg van Beitbrug na Groblersbrug en ander grensposte na Botswana. Masiapato sê die Owerheid het meer beamptes by alle Suid-Afrikaanse grensposte ontplooi om die beweging van mense gedurende die feestyd te beheer.

# Die Forum for South Africa ondersteun proaktiewe misdaadvoorkomingsmaatreëls sterk, insluitend die deursoek van mense voor hulle toegang kry tot tavernes, nagklubs en vermaaklikheidsinrigtings, as ‘n noodsaaklike ingryping om lewens te red. Nege mense is verlede week in ‘n massaskietery by ‘n taverne in Bekkersdal dood en tien ander is in die voorval gewond. FOSA-leier, Tebogo Mashilompane, sê wapens soos messe en vuurwapens beland steeds in sosiale ruimtes:

# Die Stad Tshwane se Energie- en Elektrisiteitspanne het ‘n korttermynplan ontwikkel om krag te herstel na gebiede wat geraak is deur ‘n brand by die Koedoespoort-substasie. Die brand het ernstige skade veroorsaak, wat gelei het tot die algehele vernietiging van die substasiegebou en kritieke elektriese toerusting. Die stad se woordvoerder, Lindela Mashigo, sê die plan om krag te herstel, sluit in die toetsing van transformators voor dit weer in gebruik geneem word:

# Die ANC in die Groter Johannesburg-streek sê hy ondersteun die goeie werk wat burgemeester Dada Morero gedoen het om die middestad van Johannesburg as ‘n voorkeur-sakeperseel vir beleggers terug te eis. ANC-woordvoerder, Mantombi Nkosi, sê die kwessie van gekaapte geboue in Johannesburg is ‘n struikelblok vir vordering met die herwinning van die middestad, en ‘n ernstige uitdaging wat openbare veiligheid, ontwikkeling en die waardigheid van inwoners raak:

# Die EFF sê hulle ondersteun die Cape Town Minstrel Carnival Association en plaaslike gemeenskapsleiers ten volle in hul teenkanting van die Stad en die Kaapse Klopse Karnaval-vereniging se besluit om die roete en formaat van die 2026 Tweede Nuwe Jaar-optog fundamenteel te verander. Die party het die skuif veroordeel om histories belangrike plekke op die roete uit te skakel en toegangsgelde by die Kaapstad-stadion te hef. Die EFF sê die hersiene 2026-roete, wat op 5 Januarie plaasvind, verander die tradisionele roete vanaf Distrik Ses deur die middestad na die Bo-Kaap.

# En sokker: Fernando Martin, ‘n afrigter van die Spaanse klub Valencia, en drie van sy kinders is dood nadat hul boot in Indonesië omgeslaan het. Martin is vanjaar as afrigter van die Valencia Vroue B-span aangestel. Indonesiese en Spaanse owerhede het gister gesê Martin en sy kinders word vermis nadat die boot met elf mense aan boord Vrydag in swak weer in die Straat van Padar naby die gewilde toeriste-eilandbestemming Labuan Bajo, gesink het. Sy vrou en een dogter, asook as vier bemanningslede en ‘n toergids, is gered.

Bly ingeskakel vir meer nuus……………….