Nuus 13:00

NUUSFLITS SPORTNUUS 14 November 1 nm

Goeiemiddag. Ek is……..

In die bulletin:

# Die DA sê 16 Gautengse hospitale ondervind watertekorte en kanselleer 392 operasies
# NSFAS-aansoeke open volgende week
# En, krieket: ‘n Voormalige Protea-bouler verlaat sy afrigterspos by Pakistan vroeg

# Die DA in Gauteng sê 16 staatshospitale het vanjaar watertekorte ondervind, wat gelei het tot die afstel van 392 operasies. Die LUR vir Gesondheid en Welstand, Nomantu Nkomo-Ralehoko, het bevestig die Helen Joseph-hospitaal het tussen Maart en September sewe onderbrekings ervaar, en 36 operasies is afgestel. Jack Bloom van die DA sê die Edendale-hospitaal moes 117 operasies kanselleer weens sewe gevalle van lae druk of ‘n algehele gebrek aan watertoevoer, wat soms tot ‘n week geduur het:

Speel klankgreep: ENG JackonSufferWater

# Die Nasionale Studente-finansierings-hulpskema het aangekondig aansoeke vir finansiering vir 2024 open die 21ste van die maand en sluit einde Januarie. NSFAS se raad beklemtoon hoe belangrik dit is dat studente akkurate inligting voorsien wanneer hulle aansoek doen. Die raad het nuwe maatreëls ingestel, insluitend die mobiele toepassing vir iPhone- en Android-toestelle. Die toepassing sal biometriese vermoë insluit. Dit sal studente help om hulle aansoek- en befondsing-status deur WhatsApp na te gaan.

# Die minister van Hoër Onderwys, Wetenskap en Innovering, Blade Nzimande, sluit aan by die Verenigde Nasies se 42ste Onderwys-, Wetenskaplike en Kultuurorganisie se algemene konferensie in Parys. Die tweejaarlike geleentheid stuur UNESCO se begroting- en programbeleid, met spesifieke verwysing na gebiede soos wetenskap en maatskaplike wetenskap. Nzimande sal deelneem aan die Wetenskap-kommissie, insluitend neuro-tegnologie-etiek en projekte soos die hervorming van geestes-programme en aandag aan geslags-teenstrydighede en stereotipes. Hy sal ook deelneem aan Wêreld-wetenskapsdag en die bespreking van die belangrike rol van wetenskap om wetenskaplike geletterdheid en openbare bewustheid te verbeter.

# Krieket: Die voormalige snelbouler van die Proteas, Morné Morkel, het sy afrigterspos as snelbouler-afrigter van Pakistan verlaat – ŉ maand voor sy kontrak verstryk. Hy is in Junie aangestel en het die land gehelp om in die vyfde plek op die Wêreldbeker-punteleer te eindig. Di Krieketraad van Pakistan het bekendgemaak Morkel het bedank sonder om enige rede te verstrek, nadat die span by die toernooi uitgeval het. Die beheerraad sê ŉ plaasvervanger word eersdaags aangekondig. Morkel het ŉ Australiese burger geword sedert hy in 2018 opgehou speel het.

# Die finansiële aanwysers: Die rand verhandel teen 18-rand-70-sent teen die dollar, 20-rand-43-sent teen die euro en 22-rand-98-sent teen die pond. Bitcoin verhandel teen 36-duisend-637-dollar-10-sent. Die prys van goud is een-duisend-946-dollar-81-sent per fynons en die prys van Brent ruolie 82-dollar-67-sent per vat.

# Om mee af te sluit: Die Stad Kaapstad sê terwyl hy voorberei vir die verwelkoming van duisende buitelandse en plaaslike toeriste, moedig hy Kapenaars ook aan om die geleenthede wat die aantreklikhede en ervarings van hulle tuisstad bied, ten volle te benut. Kaapstad Toerisme het ‘n nuttige lys van 50 doen-dinge onder 50-rand saamgestel, terwyl die Pocket- friendly Challenge fokus op koste-doeltreffende bedrywighede in gemeenskappe oral in die stad. Die burgemeesterskomiteelid vir Ekonomiese Groei, James Vos, sê die stad gaan ook sy grootste feestoerisme- veiligheidsoperasie nóg van stapel stuur:

Speel klankgreep: ENG JamesonBreak

Bly ingeskakel vir meer nuus……………….