Nuus 13:00

BULLETIN NUUSAGENTSKAP 10 Desember 1 nm

Goeiemiddag. Ek is……..

In die bulletin:

# Pretoria High School for Girls se beheerliggaam daag die rassisme-ondersoek in die hof uit
# Die Reserwebank waarsku klimaatverandering kan die werking van die finansiële stelsel beïnvloed
# En, krieket: Die Nieu-Seelandse aanvangskolwer Devon Conway gaan die derde toets teen Engeland misloop weens vaderskapsverlof

# Die Pretoria High School for Girls se beheerliggaam betwis die Gautengse Onderwysdepartement se ondersoeke na bewerings van rassisme in die plaaslike Hooggeregshof. Die liggaam voer aan die ondersoek was onwettig en poog nou om die aanbevelings te stop en toegang tot die volledige verslag te verkry. Die departement verdedig die ondersoek, met verwysing na statutêre gesag, en dring aan ontevredenheid is nie dieselfde as onwettigheid nie. Die omstredenheid sluit bewerings van mikro-aggressie en dissiplinêre verhore in.

Die onderwysaktivis, Hendrick Makaneta, sê intussen korrupsie ondermyn die bestuur van hulpbronne in die onderwyssektor, en dus die toekoms van leerders. Hy sê onderrig oor korrupsie en fluitjieblasery is landwyd in skole nodig om ‘n samelewing te bou wat op deursigtigheid, aanspreeklikheid en etiese leierskap gegrond is. Makaneta sê die stryd teen korrupsie moet by onderwys begin:

# Die regering vra alle spazawinkeleienaars en voedselhanteringsondernemings om hulle ondernemings by hulle plaaslike owerhede te registreer voor Vrydag se spertyd. Dit volg nadat die Departement van Samewerkende Regering en Tradisionele Sake ‘n nasionale ramp afgekondig het na ‘n toename in voedselvergiftingsgevalle wat met spazawinkels verbind word. Meer as 20 kinders is dood. Die regering se woordvoerder, Sithembile Mazaleni, sê as eienaars nie betyds registreer nie, sal hulle die gevolge van onwettige sakebedrywighede moet dra:

# Die Suid-Afrikaanse Reserwebank sê klimaatsverandering hou ekonomiese en maatskaplike risiko’s in vir die werking van die finansiële stelsel. Die bank se adjunkpresident, Fundi Tshazibana sê sentrale banke het ‘n verantwoordelikheid om toe te sien dat finansiële stelsels klimaatverwante skokke kan oorkom en bestuur. Tshazibane sê die bank werk daaraan om te verseker finansiële instellings en markte neem klimaatsverwante risiko’s in ag. Sy sê hulle probeer ook agterkom wat die uitwerking van klimaatsverandering op inflasie en finansiële bestendigheid is en tree op teen die gevare.

# Krieket: Die Nieu-Seelandse aanvangskolwer Devon Conway gaan nie in die derde toets teen Engeland in Hamilton speel nie, maar tuis bly vir die geboorte van sy eersteling. Die sukkelende Conway kon slegs 21 lopies aanteken in die eerste twee toetse, wat die Swartpette onderskeidelik met agt paaltjies en 323 lopies verloor het. Hy het een-duisend-815 lopies bygedra in sy 25 toetse sedert 2021. Conway word vervang deur die veelsydige nuweling Mark Chapman, wat onlangs in plaaslike krieket beïndruk het. Die derde toets begin Saterdag.

# En die finansiële aanwysers: Die rand verhandel teen 17-rand-82-sent teen die dollar, 18-rand-77-sent teen die euro en 22-rand-71-sent teen die pond. Bitcoin verhandel teen 97-duisend-620-dollar. Die prys van goud is twee-duisend-664-dollar-77-sent per fynons en die prys van Brent-ruolie 72-dollar-2-sent per vat.

Bly ingeskakel vir meer nuus……………….