Nuus 13:00

BULLETIN 7 Desember 1 nm

Goeiemiddag. Ek is……..

In die bulletin:

# Die SAL-bestuur bied ‘n bykomende een-persent salarisverhoging aan vir vlieëniers
# Die operasie is afgehandel om beweerde onwettige myners in Sabie uit te kry 
# En krieket: JP Duminy vertrek as die Proteas se witbal-kolfafrigter

# Die Suid-Afrikaanse Lugdiens het aangekondig dat die vlieënierstaking, wat Donderdag begin het, vandag opgeskort is. Die besluit volg op suksesvolle onderhandelings tussen SAL se uitvoerende bestuur en die Suid-Afrikaanse Vlieëniersvereniging. Die woordvoerder van die SAL, Vimla Maistry, sê die bestuur het ‘n bykomende een-persent salarisverhoging aangebied, wat uitloop op ‘n totale salarisverhoging van 9,47-persent vir die vlieëniers:

# Die polisie in Mpumalanga sê die operasie om beweerde onwettige mynwerkers uit ‘n verlate myn in Sabie te kry is verlede nag afgehandel. Die woordvoerder van die polisie, Donald Mdhluli, sê sedert die operasie begin het, is altesaam 153 van die beweerde onwettige myners na die oppervlak gebring. Hy sê drie liggame is ook op die eerste dag van die operasie herwin:

Intussen sê ActionSA hy is diep bekommerd oor die Mpumalanga-regering se onlangse prioritisering van die redding van die vasgekeerde zama zamas. Thoko Mashiane van ActionSA sê die voorval onderstreep skokkende skynheiligheid wat blootgestel moet word. Sy sê die families van Pretty Nkambule, Yvonne Mnisi en Solomon Nyirenda verduur reeds agt jaar lank onhoudbare hartseer terwyl die oorskot van hulle geliefdes ondergronds in die Lily-myn vasgekeer bly:

# Krieket: Daar is begin met ‘n soektog vir ‘n opvolger vir JP Duminy nadat hy bedank het as kolfafrigter van die Proteas se witbal-span. Krieket Suid-Afrika het aangekondig het vertrek onmiddellik as gevolg van persoonlike redes. KSA sê die gewese veelsydige Protea was sedert Maart verlede jaar ‘n sleutellid van die beperkte boulbeurt-afrigtingspan. Hy het sy spelersloopbaan in 2019 afgesluit na 46 toetse, 199 eendagwedstryde en 81 T20s waarin hy altesaam nege-duisend-154 lopies aangeteken en 132 paaltjies geneem het.

# En ten slotte, die prinses van Wallis het haar jaarlikse Kerssangdiens in Westminster-abdy aangebied. Dit is die grootste byeenkoms sedert sy na haar chemoterapiebehandeling weer koninklike pligte hervat het. Onder die een-duisend-600 gaste was families wat geraak is deur die Southport-mesaanval, en ‘n kers is aangesteek deur die Olimpiese fietsryer Chris Hoy, wat met kanker gediagnoseer is. Die prins van Wallis het die diens saam met Catherine en die egpaar se drie kinders, prins George, prins Louis and prinses Charlotte bygewoon Die diens is op televisie uitgesaai en word die afgelope jare reeds as ‘n koninklike tradisie beskou.

Bly ingeskakel vir meer nuus……………….