Nuus 13:00

BULLETIN NUUSAGENTSKAP 5 Desember 1 nm

Goeiemiddag. Ek is……..

In die bulletin:

# Die SA Sionistefederasie waarsku teen herhaalde foute wat die Universiteit van Kaapstad miljoene-rand aan befondsing kan kos
# Kaapstad se hotelle raak vinnig vol terwyl somergeleenthede toeneem
# En, krieket: Australië maak een groot verandering vir die tweede toets teen Indië

# Die Suid-Afrikaanse Sionistefederasie sê ‘n voorgestelde mosie teen Israel by die Universiteit van Kaapstad kan miljoene-rand se befondsing vir navorsing en steun aan studente in gevaar stel. Die mosie word vandag bespreek en is soortgelyk aan ‘n voorstel in 2019 wat Amerikaanse befondsing van 600-miljoen-rand vir navorsing en ander kritieke skenkings bedreig. Woordvoerder Rolene Marks waarsku dat politieke optrede teen Israel die akademiese en finansiële bestendigheid van die universiteit in gevaar stel, wat moontlik beurse en vennootskappe kan raak.

# President Cyril Ramaphosa het die Wetsontwerp op Spoorveiligheid bekragtig wat erken dat veilige spoorwegbedrywighede noodsaaklik is vir die veiligheid van alle mense. Dit sal die Wet op die Nasionale Spoorveiligheidsreguleerder herroep wat in 2009 laas gewysig is. Ramaphosa sê die wet erken dat veilige spoorwegbedrywighede die gebruik van treine as doeltreffende vervoermiddel bevorder en dat spoorveiligheid eenvormige norme en standaarde vereis. Hy sê dit bevorder ook die samewerking van Suid-Afrika se spoorweg-veiligheidsregime.

# Die Stad Kaapstad maak gereed vir ʼn rekord-feestyd met hotelle wat vinnig vol word. Die metro verwag ’n toestroming van plaaslike en buitelandse toeriste as gevolg van groot geleenthede soos die sewes-rugbytoernooi en talle konferensies. Die permitkantoor vir geleenthede verwerk tans meer as 160 aansoeke vir permitte, net vir Desember. Die metro sê hy werk saam met sy vennote om plaaslike en buitelandse toeriste te lok, besoekers se ervarings te verbeter, lugroetes uit te brei en toeriste se plesiervaart-ervarings te bevorder.

# Krieket: Die snelbouler Scott Boland vervang die beseerde Josh Hazlewood in die enigste verandering aan Australië se span vir die tweede toets teen Indië wat môre in Adelaide begin. Hazlewood het ‘n sy-besering opgedoen. Die gasheer het die eerste toets in Perth met 295 lopies verloor. Dis Boland se eerste toets vir Australië in bykans 18 maande. Kaptein Pat Cummins glo daar is verskeie gebiede waarop hulle moet verbeter vir die tweede kragmeting:

# Die finansiële aanwysers: Die rand verhandel teen 18-rand-7-sent teen die dollar, 19-rand-7-sent teen die euro en 22-rand-99-sent teen die pond. Bitcoin verhandel teen 103-duisend-211-dollar. Die prys van goud is twee-duisend-643-dollar-81-sent per fynons en die prys van Brent-ruolie 72-dollar-33-sent per vat.

# En ten slotte: Spotify South Africa sê 2024 het nie net gegaan oor wêreldtreffers nie, maar vir plaaslike musiek om uit te blink. Dit word weerspieël in die styging van 93-persent in plaaslike musiekverbruik en die gewildheid van plaaslike klanke. Dit sluit in die aansteeklike ritmes van Amapiano, tradisionele musiek en potgooie. Sithabile Kachisa van Spotify sê vrouekunstenaars het met rasse skrede vooruitgegaan op die Suid-Afrikaanse musiektoneel, met Tyla en Lwah Ndlunkulu wat boaan die trefferlys is vir aanlyn albums waarna die meeste geluister is:

Bly ingeskakel vir meer nuus……………….