Nuus 13:00

BULLETIN 1 Desember 1 nm

Goeiemiddag. Ek is……..

In die bulletin:

# President Ramaphosa steun die veelpartyproses oor die BELA-wet
# Godongwana is ten gunste van die Posbank se oorgang na ‘n staatsbank
# En rugby: Nieu-Seeland steek ‘n stokkie voor die Blitsbokke se segetog in Dubai met ‘n pynlike nederlaag

# President Cyril Ramaphosa het die belangrikheid beklemtoon van inklusiewe besprekings oor die Wysigingswetsontwerp op Basiese Onderwyswette. Hy het die instelling van Artikels 4 and 5, wat handel oor taal- en toelatingsbeleid, met drie maande vertraag vir verdere samesprekings. Sy woordvoerder Vincent Magwenya sê Ramaphosa beaam die behoefte aan voorgesette veelpartysamesprekings. Hy voeg by die president het weer sy verbintenis bevestig tot transformerende onderwyshervormings:

# Die minister van Finansies Enoch Godongwana het pogings bevestig om die Posbank te befonds as ‘n staatsbank, gemik op bekostigbare finansiële dienste vir arm mense en diegene wat nie ‘n bankrekening het nie. Godongwana het lede van die Parlement toegespreek en samesprekings genoem met die Departement van Kommunikasie en Digitale Tegnologie oor vordering met befondsing en lisensiëring. Die minister sê hoewel die Posbank nog ‘n lisensie van die Reserwebank moet kry, is die wetgewende grondslag gelê. Hy beklemtoon die staatsbank sal meer mededinging teweegbring in Suid-Afrika se banksektor.

# Drie verdagtes in ‘n kontanttransitorooftog is gister noodlottig gewond in ‘n skietgeveg met wetstoepassingsbeamptes in Kwa-Thema, Ekurhuleni. Nog drie is in hegtenis geneem, en die polisie het beslag gelê op gewere, ‘n pistool en ammunisie. ‘n Polisieverslag lui ‘n span van verskeie agentskappe het die verdagtes by ‘n veilige huis onderskep. Twee gesteelde voertuie is ook teruggekry. Die voortvlugtende verdagtes word gesoek en dié wat aangekeer is sal binnekort op talle aanklagte in die hof verskyn.

# Die Suid-Afrikaanse Rugby-unie gaan die parlementêre portefeuljekomitee oor Sport, Kuns en Kultuur volgende week toespreek oor ‘n voorgestelde ooreenkoms om ‘n aandeel van die Springbok-kommersiële regte te verkoop aan die Amerikaanse maatskappy Ackerley Sports Group. Die president van SA Rugby, Mark Alexander, sê hulle wil ‘n volhoubare ooreenkoms aangaan deur hulle waardevoorstel, wat langtermyn voordele vir Suid-Afrikaanse rugby inhou terwyl die integriteit daarvan behou word:

En op die veld is Suid-Afrika se droom van nog vordering by die Dubai Sewes verpletter toe hulle vanoggend in die kwarteindstryd met 24-17 teen Nieu-Seeland verloor het. Drieë deur Ngarohi McGarvey-Black en Sofai Maka het Suid-Afrika hulle eerste kwarteindloesing in ses pogings teen Nieu-Seeland besorg. Die oorwinning was die All Blacks se eerste teen Suid-Afrika sedert die Dubai-beker-kwarteindstryd in 2007/2008 toe die Blitsbokke begin het om Nieu-Seeland se destydse heerskappy af te breek. Die spanne was met rustyd 7-elk gelykop.

Bly ingeskakel vir meer nuus……………….