Nuus 13:00

BULLETIN 24 November 1 nm

Goeiemiddag. Ek is……..

In die bulletin:

# Meer as 100-duisend meteropgraderings in Tshwane is nog uitstaande voor die spertyd vandag
# Die ATM verwelkom die spazawinkelregistrasie en -sluiting om die township-ekonomie ‘n hupstoot te gee
# En, motorsport: Verstappen wen sy vierde agtereenvolgende Formule Eenwêreldtitel

# Die burgemeester van Tshwane, Nasiphi Moya, het kommer uitgespreek oor meer as 100-duisend voorafbetaalde elektrisiteitsmeters wat nog nie omgeskakel is na die skyfie-uitkenningstelsel nie. Met vandag se spertyd wat dreig, maan Moya as die opdatering nie gedoen word nie, sal skyfielading geblok wees. Inwoners moet met die hand opgradeer om voortgesette elektrisiteit te verseker en kan hulp kry by die metro se kliëntedienssentrums. Sy het Eskom se standpunt herhaal, oor geen verlenging van die spertyd nie:

# Die African Transformation Movement vra die onmiddellike sluiting van spazawinkels wat onwettig bedryf word te midde van toenemende voedseloordraagbare siektes. Volgens ATM-woordvoerder Zama Ntoshana kan die registrasie van spazawinkels township-ekonomië nuwe lewe gee deur Suid-Afrikaanse burgers te bemagtig om spazawinkels te bedryf met gereguleerde toevoerkettings. Die party is gekant teen die besit van die winkels deur buitelandse burgers, en eis sterk toepassing en vervolging vir oortredings:

# Die Finansiële Sektorgedragsowerheid het twee-duisend-330 werkgewers uitgeken wat nie pensioenfondsbydraes oorbetaal het nie, wat 31-duisend lede raak. Na wat berig word skuld sewe-duisend-770 werkgewers 5,2-miljard-rand, meesal in bedrywe soos sekerheid, konstruksie en vervaardiging. Die owerheid maan om die geld, wat van salarisse afgetrek word, te weerhou, is ‘n ernstige oortreding en kan moontlik diefstal of bedrog wees. Hy vra strenger maatreëls, waaronder insluiting in die komende Wetsontwerp op die Gedrag van Finansiële Instellings, om werkgewers aanspreeklik te hou en werkers se aftreebesparings te beveilig.

# ‘n Man in sy sestigs se been moes afgesit word nadat hy tussen rotse vasgesit het terwyl hy op ‘n rivier in Tasmania in sy kajak geroei het. Die toeris, wat saam met vriende met hulle kajakke op die Australiese eiland was, was deels onderwater in die Franklinrivier nadat hy Vrydag vasgeval het. Daar is herhaaldelik die middag en oornag probeer om hom te bevry. Na ‘n mediese beoordeling is besluit om sy been te amputeer om sy lewe te red. Die reddingsoperasie het meer as 20 uur geduur. Die man is per helikopter hospitaal toe geneem waar hy in ‘n bedenklike toestand is.

# En, motorsport: Max Verstappen het onder die ligte van die Las Vegas Grand Prix ‘n vierde agtereenvolgende Formule Eenwêreldtitel ingepalm. Die 27-jarige Hollander was vyfde in ‘n wedren wat gewen is deur George Russell van Mercedes, en het slegs die sesde man geword wat ooit vier kampioenskappe kon wen. Russell was meer as sewe sekondes voor die sewemalige kampioen en sy Mercedesspanmaat Lewis Hamilton. Die Ferraris van Carlos Sainz en Charles Leclerc was onderskeidelik derde en vierde.

Bly ingeskakel vir meer nuus……………….