Nuus 13:00

BULLETIN 10 November 1 nm

Goeiemiddag. Ek is……..

In die bulletin:

# Die minister van Openbare Werke onthul meer as 270-staatseiendomme is gekaap en tien-duisend is in onbruik in verskeie provinsies
# Die Suid-Afrikaanse Waterkamer beweer watermafia buit munisipale toevoerkwessies uit
# En, tennis: Gauff veg terug teen Zheng vir die WTA-eindtoernooititel

# Die minister van Openbare Werke Dean Macpherson het onthul 272 staatseiendomme is gekaap, hoofsaaklik in Gauteng, KwaZulu-Natal en Limpopo. Daarby is meer as tien-duisend staatseiendomme landwyd in onbruik. Die Departement van Openbare Werke het ‘n strategie ontwikkel vir bate-optimalisering om 774 eiendomme te verhuur om inkomste op te wek en die onderbruik daarvan aan te spreek. Die minister het ook planne uiteengesit teen onwettige bewoning en grondbesettings deur uitsetting, sekerheidsmaatreëls en vennootskappe met plaaslike munisipaliteite en wetstoepassing.

# Die uitvoerende hoof van die Suid-Afrikaanse Waterkamer, Benoit le Roy waarsku die sleutel tot die uitskakeling van die watermafia, wat voorraadtekorte uitbuit, is om munisipale waterverspreidingskwessies op te los. Misdaadgroepe beskadig na wat berig word infrastruktuur sodat hulle water teen hoë pryse kan verkoop in Gauteng, KwaZulu-Natal, die Oos-Kaap en Mpumalanga. Hy het op Newzroom Afrika munisipaliteite aangemoedig om beheer terug te neem om te verseker inwoners het betroubare toegang tot water:

# Drie verdagtes wat verbind word met taxigeweld in die Oos-Kaap sal binnekort in die hof verskyn nadat hulle gearresteer is deur ‘n spesiale taakspan. Die verdagtes is na bewering verantwoordelik vir die moord op twee taxi-eienaars, ‘n bestuurder en ‘n lid van ‘n taxivereniging tussen November 2023 en Augustus 2024. Die woordvoerder van die polisie Athlenda Mathe sê beamptes het beslag gelê op vier pistole en ‘n AK47 en die saak word ondersoek:

# Tennis: Coco Gauff het gister die jongste speler in 20 jaar geword wat die WTA-eindtoernooititel inpalm met ‘n uitmergelende 3-6, 6-4, 7-6-oorwinning oor die Olimpiese kampioen Zheng Qinwen in Riaad. Die 20-jarige Gauff het teruggeveg nadat sy 3-6, 1-3 agter was, en twee keer in die beslissende stel ‘n een-breek agterstand uitgeskakel. Sy het Zheng geklop in drie uur en vier minute, wat die tweede langste WTA-eindstryd in 2024 is.

# En, die afgetrede regter Johann Kriegler sal ‘n paneel van drie lede lei in ‘n ondersoek na bewerings van wanoptrede deur leiers van die Universiteit Stellenbosch. Die bewerings, wat opgehaal is deur die kansellier Edwin Cameron, beweer daar was pogings om ‘n ondersoekende verslag, wat die sluiting van die Wilgenhofkoshuis aanbeveel, te verander. Kriegler se paneel sluit ook die regskenner Karrisha Pillay en bestuurskundige Themba Mosia in. Die mikpunt is om bevindings op 2 Desember aan die uitversiteitsraad voor te lê.

Bly ingeskakel vir meer nuus……………….