Nuus 13:00

BULLETIN 9 Augustus 1 nm

Goeiemiddag. Ek is……..

In die bulletin:

# Die Malaka-familietrust ontken Tebogo Malaka se omkoperyskandaal
# Eskom se kragnetwerk is steeds bestendig teen die einde van die winter
# En omgewingsaktiviste is gekant teen die goedkeuring van ‘n nuwe Wes-Kaapse kernkragstasie

# Die Malaka-familietrust het die uitvoerende hoof van die Onafhanklike Ontwikkelingstrust, Tebogo Malaka, te midde van omkoperybewerings verdedig. Die trust sê die 60-duisend-rand wat aan die Daily Maverick-joernalis, Pieter-Louis Myburgh, aangebied is, het van trustwoordvoerder Phasha Makgolane gekom, nie Malaka nie. Die exposé toon beweerde pogings om Myburgh om te koop te midde van ondersoeke na trustkontrakte en Malaka se eiendomstransaksies. Die Trust-woordvoerder, Ayanda Jele, het ‘n onderhoud met eNCA die bewerings ontken:

# Meer as een-duisend-200 vroulike wetstoepassers marsjeer vandag van Tshwane-huis na die Uniegebou in Pretoria om die 69ste herdenking van die historiese 1956-vroue-optog teen apartheidspaswette te vier. Vanjaar se Vrouemaand-tema, ‘Die bou van veerkragtige ekonomieë vir almal‘, vra vir groter vroulike verteenwoordiging en leierskap in die ekonomie. Die beamptes eis ook meer vroue in hoë posisies in wetstoepassing om gelykheid en bemagtiging te bevorder.

# Eskom sê die kragnetwerk is steeds betroubaar, sonder beurtkrag sedert 15 Mei. Eskom-woordvoerder Daphne Mokoena sê die opwekkingsvermoë staan op byna 30-duisend-megawatt, genoeg om aan die huidige vraag te voldoen. Onbeplande onderbrekings het danksy die Opwekkingsherstelplan gedaal tot elf-duisend-170 megawatt. Sy sê die Energiebeskikbaarheidsfaktor het verbeter, en Eskom beplan om binnekort drie-duisend-280-megawatt weer in diens te stel. Volgens haar gaan die diensverskaffer aan die winteraanvraag voldoen sonder beurtkrag.

# Die omgewingsaktiviste Makoma Lekalakala van Earthlife Africa en Liziwe McDaid van Green Connection is sterk gekant teen die minister van die Omgewing, Dion George, se goedkeuring van ‘n nuwe kernkragsentrale by Duynefontein in die Wes-Kaap. Hulle noem hoë koste, veiligheidsrisiko’s, oprigtingsvertragings en die afwesigheid van radioaktiewe afvaloplossings. Lekalakala dring aan op ‘n mensgedrewe energieplan wat fokus op vinniger en goedkoper hernubare keuses soos son- en windkrag te midde van die voortdurende klimaatkrisis:

# Sokker: Die sokker-oorplasingsmark is in volle swang met klubs regoor Europa wat stappe doen om hul spanne te versterk. Benjamin Sesko se oorplasing na Manchester United van RB Leipzig is amper voltooi, met die doelskieter wat na bewering vir ‘n mediese ondersoek wag. Elders is Liverpool glo in gesprek om ‘n kontrak vir Alexander Isak van Newcastle te beding, terwyl Arsenal in die mark is vir Crystal Palace se Eberechi Eze. Chelsea maak ook opslae, met ‘n aantal oorplasings wat bespreek word, insluitend ‘n moontlike skuif vir Manchester United se Alejandro Garnacho.

# En ten slotte: ‘n Australiese vrou, Erin Patterson, wat drie van haar skoonfamilie vermoor het toe sy ‘n beef wellington met dodelike sampioene bedien het, het na bewering ook probeer om haar vervreemde man te vergiftig. Simon Patterson, het tydens ‘n voorverhoor in Oktober 2024 gesê hy vermoed sy het hom by verskeie geleenthede vergiftigde kos gegee. Die bewyse is nooit vrygestel nie weens ‘n hofverbod wat Vrydag opgehef is. Vonnisoplegging sal na verwagting op 25 Augustus begin. Patterson staar lewenslange tronkstraf in die gesig vir elk van die moorde en 25 jaar vir poging tot moord.

Bly ingeskakel vir meer nuus……………….