Nuus 13:00

BULLETIN 25 Julie 1 nm

Goeiemiddag. Ek is……..

In die bulletin:

# Die regering rig ‘n ernstige waarskuwing teen aanvalle op wetstoepassers
# Roemenië skiet ‘n tweede hommeltuig af wat sy lugruim skend
# En Fietsry: Viermalige kampioen Tadej Pogačar is die voorloper in die Tour de France

# Die regering sê enige aanval op lede van die Suid-Afrikaanse Polisiediens of ander wetstoepassingsagentskappe sal met die volle mag van die wet te doen kry. Hy het belowe om beslissend op te tree om wetstoepassingsbeamptes te beskerm en te verseker dat diegene wat verantwoordelik is, in hegtenis geneem en vervolg word. Dit volg na verskeie onlangse gewelddadige, geteikende aanvalle op polisiebeamptes in verskeie dele van die land. Adjunk-regeringswoordvoerder William Baloyi sê aanvalle op wetstoepassing is aanvalle op die gesag van die staat en sal nie geduld word nie:

# Die Forum for South Africa is teleurgesteld oor die hofinterdik wat die Parlement se Artikel 89-ampsklagverrigtinge teen president Cyril Ramaphosa staak. FOSA sê die besluit stel die verantwoordbaarheid uit wat Suid-Afrikaners verdien en voer aan Ramaphosa het voldoende geleentheid gehad om die Onafhanklike Paneelverslag vroeër te betwis. FOSA se woordvoerder Tebogo Mashilompane het die howe versoek om die hersieningsaansoek dringend af te handel sodat die Parlement die ampsklagproses kan hervat:

# Rand Merchant Bank het sy Asië-Afrika-strategie uitgebrei deur Rand Merchant Advisory in Beijing te open om bande met Chinese ondernemings wat in Afrika belê te versterk. RMB sê die nuwe kantoor sal oorgrenshandel, belegging, buitelandse valuta en transaksiebankdienste ondersteun terwyl handel tussen China en Afrika 5,8-duisend-miljard-rand oorskry. Die bank sê die uitbreiding bou voort op sy teenwoordigheid in Sjanghai en sal help om infrastruktuur, hernubare energie en volhoubare befondsingsgeleenthede in die vasteland te bevorder deur nouer betrokkenheid by Chinese ondernemings.

# Roemenië sê hy het ‘n tweede hommeltuig afgeskiet wat die land se lugruim naby die grens met Oekraïne geskend het. Die voorval het in ‘n yl bevolkte gebied plaasgevind. Roemeense aanklaers wat die wrakstukke ondersoek het, sê die eerste hommeltuig was van Russiese oorsprong en is gister deur die NAVO-staat afgeskiet. Die Roemeense Ministerie van Verdediging het gesê radarstelsels het die jongste lugruimskending om 8:22 plaaslike tyd opgemerk. Twee F-16-vegvliegtuie is daarna ontplooi om die hommeltuig te onderskep en af te skiet.

Fietsry: Tadej Pogačar van Slowenië het ‘n gemaklike voorsprong van 7 minute en elf sekondes opgebou toe die fietsryers vandag die voorlaaste skof van die Tour de France aangepak het. Pogačar het homself stewig op die rand van ‘n geskiedkundige vyfde Tour de France-titel geplaas, met slegs een skof vandag oor voor die finale skof in Nice môre. Sy naaste mededinger, Remco Evenepoel van België, het laat in die skof met ‘n aanslag gekom, maar Pogačar het vasgestaan om sy voorsprong in gister se 19de skof te behou.

# En ten slotte: Die veteraan Suid-Afrikaanse akteur Seputla Sebogodi word vandag in Ga-Mothapo buite Polokwane in Limpopo ter ruste gelê. Die 63-jarige is verlede week weens diabete-verwante probleme oorlede. Sebogodi, veral bekend vir sy rol as Kenneth Mashaba in Generations, het ‘n voortreflike televisie- en teaterloopbaan gehad, met produksies soos Scandal, Suburban Bliss en The Rivonia Trial. Hy word onthou as een van Suid-Afrika se voorste akteurs, en sy merkwaardige talent en blywende bydrae het akteurs en gehore vir jare geïnspireer.

Bly ingeskakel vir meer nuus……………….