Nuus 12:00

BULLETIN 20 Maart 12 nm

Goeiemiddag. Ek is……..

In die bulletin:

# Motoriste word gewaarsku teen paniekaankope van brandstof
# Die Bitou-munisipaliteit in die Wes-Kaap waarsku oor ‘n watervoorraad van slegs 50 dae  
# En rugby: Frankryk en Ierland oorheers ondersteuners se Sesnasies-toernooi kampioenspan

# Avhapfani Tshifularo van die Brandstofbedryfsvereniging van Suid-Afrika vra motoriste om normale brandstof-aankooppatrone te handhaaf te midde van wêreldwye voorsieningsonderbrekings. Hy waarsku paniekaankope kan onnodige wanbalanse in die voorsieningsketting skep, en beklemtoon motoriste moet slegs volmaak wanneer hul tenk leeg raak. Tshifularo beklemtoon rasionele gedrag is noodsaaklik om te verseker die land se brandstofvoorraad bly bestendig tydens die voortdurende internasionale krisis:

Intussen sê die Motorbedryf-personeelvereniging hoewel inflasie tot drie-persent gedaal het, bly daar kommer oor stygende koste in die komende maande. Volgens MISA kan verwagte brandstofprysstygings en ‘n Eskom-elektrisiteitstariefverhoging volgende maand inflasie hoër stoot, wat verdere druk op huishoudings sal plaas. Phakamile Hlubi-Majola van die vakbond waarsku hoër lewenskoste sal beide werkers en werkloses beïnvloed, veral voor die winter en die reisperiode gedurende die Paasfees:

# Die Bitou-munisipaliteit in Plettenbergbaai, in die Wes-Kaap, het slegs 50 dae se water oor, met die Roodefonteindam op 28-persent. Die bestuurder van afvalwater, Edward Oosthuizen, sê water word nie meer uit die dam onttrek nie, en die dorp tap tans water uit die Keurboomsrivier, waar die vloei tussen 300- en 30-duisend liter per sekonde wissel. Hy sê tussentydse maatreëls sluit in onttrekking van boorgatwater, die ontsoutingsaanleg en die dam, terwyl watervlakke gemonitor word. Hy voeg by owerhede stel strategieë in om te verseker daar word aan waterbehoeftes voldoen.

# Die Israeliese eerste minister Benjamin Netanyahu sê sy land en die Verenigde State van Amerika tree met groot vasberadenheid en ongekende krag op in Iran. Die Amerikaans-Israelse oorlog teen Teheran is reeds byna drie weke aan die gang en Iran se wraakaanvalle op Golf-nasies stoot oliepryse wêreldwyd op. Netanyahu sê hulle is besig om te wen en Iran word verwoes. Die eerste minister het drie duidelike doelwitte vir die oorlog uiteengesit:

# Rugby: Ondersteuners van die Sesnasiestoernooi het gestem vir hulle kampioenespan. Frankryk, wat gekroon is as kampioene, maar nie die Grand Slam kon wen nie, het vier spelers in die span. Hulle is die bekwame vleuel Louis Bielle-Biarrey, die legendariese skrumskakel, Antoine Dupont, die heelagter, Thomas Ramos, en die slot Mickael Guillard. Ierland het ook vier spelers in die span. Drie spelers elk van Italië en Skotland is ingesluit, met Rhys Carré van Wallis wat die span afrond. Engeland is vyfde geplaas na hul swakste toernooi-eindstryd ooit en nie een enkele speler is ingesluit nie.

# En die finansiële aanwysers: Die rand verhandel teen 16-rand-75-sent teen die dollar, 19-rand-40-sent teen die euro en 22-rand-51-sent teen die pond. Bitcoin verhandel teen 71-duisend-277-dollar. Die prys van goud is vier-duisend-732-dollar-52-sent per fynons en die prys van Brent-ruolie is 104-dollar-21-sent per vat.

Bly ingeskakel vir meer nuus……………….