Nuus 12:00

BULLETIN 16 Mei 12 nm

Goeiemiddag. Ek is……..

In die bulletin:

# Die Presidensie verwag die vergadering tussen Ramaphosa en Trump sal fatsoenlik verloop
# Die motorbedryf vra Amerika om tariewe te heroorweeg te midde van AGOA-onsekerheid
# En gholf: Jhonattan Vegas van Venezuela is die vroeë voorloper in die Amerikaanse PGA-kampioenskap

# Die Presidensie verwag volgende week se ontmoeting tussen president Cyril Ramaphosa en sy Amerikaanse ampsgenoot, Donald Trump, sal fatsoenlik verloop. Die ontmoeting sal ‘n platform wees om die strategiese verhouding tussen die twee lande te herstel. Ramaphosa se woordvoerder, Vincent Magwenya, het aan die SABC gesê die president is bewus van wat kan gebeur ná die Oekraïnse president, Volodimir Zelensky, se besoek aan die Withuis, maar is nie bang nie:

Die uitvoerende hoof van die Motorsakeraad, Mikel Mabasa, sê intussen die sektor het die Amerikaanse gesant, Mcebisi Jonas, betrek oor uitdagings wat Trump se nuwe tarief-bepaling veroorsaak het. Mabasa het op die bekendstelling van die 2025 Naamsa-handels-handleiding die hoop op voortgesette uitvoere na Amerika beklemtoon, ondanks vrese oor Afrika se toegang tot die Wet op Groei en Geleenthede in Afrika. Die VSA is Suid-Afrika se derde grootste motoruitvoermark, met handel ter waarde van byna 29-miljard-rand verlede jaar. Mabasa het AGOA se verlenging tot 2041 beklemtoon.

# Die MK-party het die minister van Hoër Onderwys, Nobuhle Nkabane, se aanvanklike besluit gekritiseer om raadslede op die Sektorale Onderwys- en Opleidingsowerheid aan te stel wat sterk bande met die ANC het. Die party sê sy het dit eers teruggetrek na openbare verontwaardiging, eerder as om the ingewortelde etiese gebreke en morele onbehoorlikheid van die oorspronklike besluit te erken. Woordvoerder Nhlamulo Ndhlela sê die lys is oorheers deur ANC-ontplooides met twyfelagtige agtergronde, en kom neer op baantjies vir boeties:

# Gholf: Jhonattan Vegas van Venezuela het sewe onder 64 aangeteken in die eerste ronde van die Amerikaanse PGA-kampioenskap in Noord-Carolina – twee houe voor die Amerikaner Ryan Gerard en die Australiër Cam Davis. Die Meesterskampioen, Rory McIlroy van Noord-Ierland, het foute begaan en is tien houe agter die voorloper. Die Suid-Afrikaner Garrick Higgo, die wêreld-nommer-een, Scottie Scheffler van Amerika, en sewe ander is saam 20ste op twee onder baansyfer. Vegas sê dit was ‘n ongelooflike begin:

# Die finansiële aanwysers: Die rand verhandel teen 18-rand-7-sent teen die dollar, 20-rand-24-sent teen die euro en 24-rand-4-sent teen die pond. Bitcoin verhandel teen 103-duisend-248-dollar. Die prys van goud is drie-duisend-200-dollar-98-sent per fynons en die prys van Brent-ruolie 63-dollar-87-sent per vat.

# En laasterns, die Nasionale Raad van en vir Persone met Gestremdhede het Loslitdag 2025 se tema, Verby die Etiket, bekendgemaak. Die projek moedig Suid-Afrikaners aan om persone met gestremdhede te erken en te vier vir hulle volledige menswees en verby sosiale etikette te beweeg. Dit word op Vrydag, 5 September, gevier en deelnemers kan die saak ondersteun deur ŉ plakker vir 20-rand of helderblou artikels te koop. Die opbrengs sal organisasies landwyd baat. Loslitdag daag mense se siening oor gestremde persone uit.

Bly ingeskakel vir meer nuus……………….