Nuus 12:00
BULLETIN NUUSAGENTSKAP 6 Desember 12 nm
Goeiemiddag. Ek is……..
In die bulletin:
# BOSA vra vir R50-miljard hertoewysing vir die onderwysbefondsingskrisis
# City Power takel twee luukse landgoedere wat saam byna R130-miljoen skuld
# En, padwedlope: Nog 1 000 atlete kan inskryf vir Comrades-marathon
# Build One South Africa versoek die Parlement vir die hertoewysing van 50-miljard-rand om die befondsingskrisis in die onderwys reg te stel, waar ʼn tekort van 32-miljard-rand bestaan. Hulle stel voor om BBP-beskerming te verminder, die kabinet te verklein, fondse vir Opleidingsowerhede vir Vaardigheidsontwikkeling te herlei en om die Padongelukkefonds te hervorm om leerders voorop te stel. BOSA se adjunkleier,, Nobuntu Hlazo-Webster, sê oorvol klaskamers en onderbefondsde skole bewys die regering se voorkeure is misplaas:
Die kabinet het die Klas van 2024 intussen gelukgewens met die suksesvolle afhandeling van die matriek-eindeksamen. Die regering gee ook erkenning aan die bydraes van onderwysers, ouers en ondersteuningspersoneel om die leerders deur die jaar te begelei. Die minister in die Presidensie, Khumbudzo Ntshavheni, is beïndruk met die leerders se deursettingsvermoë, veral in moeilike omstandighede, en het hulle aangeraai om verder te studeer om by te dra tot die ontwikkeling van die land:
# City Power in Johannesburg sê hy het suksesvol diensbeperkings geplaas op talle nie-betalende verbruikers in die Aspen Hills-natuurreservaat en die Dainfern-gholflandgoed. Die twee landgoedere skuld saam sowat 130-miljoen-rand. Die operasie is deel van die nutsmaatskappy se groter veldtog om die toenemende probleem van onbetaalde elektrisiteitsrekeninge en nie-nakoming te hanteer. City Power se uitvoerende hoof, Tshifularo Mashava, sê die algehele skuld in die stad staan op 9,6-miljard-rand, teenoor 10,2-miljard-rand ‘n jaar gelede:
# Padwedlope: Inskrywings vir volgende jaar se 98ste Comrades-marathon in KwaZulu-Natal het vir ‘n beperkte tydperk heropen. Die vorige inskrywingsproses het gesluit toe die inskrywingsperk van 23-duisend bereik is. Die Comrades-marathonvereniging se waarnemende wedloopbestuurder, Alain Dalais, sê slegs ‘n duisend inskrywings is beskikbaar van vandag tot Maandag om middernag, of tot die beskikbare getal bereik word.
# Die finansiële aanwysers: Die rand verhandel teen 18-rand-3-sent teen die dollar, 19-rand-9-sent teen die euro en 23-rand-2-sent teen die pond. Bitcoin verhandel teen 98-duisend-516-dollar. Die prys van goud is twee-duisend-639-dollar-2-sent per fynons en die prys van Brent-ruolie 71-dollar-82-sent per vat.
# En ten slotte: Adjunk-president Paul Mashatile lei môre die tweejaarlikse Mans-parlement en Verspreiding van Beter Mans vir Môre-veldtog in Kaapstad. Dit is deel van die bydrae tot die land se pogings om 1,1-miljoen mans op te spoor wat nog nie MIV-behandeling gekry het nie. Mashatile se kantoor sê met die ambisieuse teikens wat in ooreenstemming is met MIV-voorkoming en die bevordering van gesonde gedrag, is die veldtog ook gemik op die mobilisering van mans om voorstanders te word van verandering teen geslagsgeweld en vrouemoord.
Bly ingeskakel vir meer nuus……………….