Nuus 12:00

BULLETIN NUUSAGENTSKAP 5 Desember 12 nm

Goeiemiddag. Ek is……..

In die bulletin:

# Die EFF verwelkom die Openbare Beskermer se ondersoek na minister McKenzie se besoek aan Parys
# Flight Centre South Africa monitor die SAL-vlieëniers se staking
# En, krieket: Ben Stokes is nie beïndruk met die drie strafpunte vir ‘n stadige boultempo in die toets teen Engeland in Christchurch nie

# Die EFF loof die Openbare Beskermer se kantoor vir sy ondersoek na die minister van Sport, Kuns en Kultuur, Gayton McKenzie, se beweerde misbruik van staatsgeld. Die ondersoek handel oor sy reis na die Olimpiese Spele in die Franse hoofstad, Parys, wat einde Julie begin het. Dit volg nadat die EFF verlede maand ‘n klagte by die Parlement se Etiek- en Ledebelange-komitee ingedien het. Die party beskuldig McKenzie van buitensporige uitgawes tydens sy besoek. Die EFF sê die minister het etiese beginsels geskend en belastinggeld misbruik.

# Flight Centre South Africa monitor die staking van die Suid-Afrikaanse Lugdiens se Vlieëniersvereniging. Die vereniging het in Mei aanvanklik ‘n verhoging van 30-persent in vlieëniers se salarisse geëis, wat daarna verlaag is tot 15,7-persent plus verwante voordele. SAL het ‘n salarisverhoging van 8,46-persent aangebied. Flight Centre se besturende direkteur, Euan McNeil, sê hoewel die duur van die staking nie duidelik is nie, is daar aansienlike kommer oor die moontlike ontwrigtings tydens die Desember-reisseisoen.

# Die Stad Tshwane vra op alle spazawinkeleienaars om van die aanlyn registrasiestelsel gebruik te maak terwyl die spertyd vir registrasie om die draai is. Die registrasie volg op president Cyril Ramaphosa se opdrag dat alle spazawinkels en voedselhanteringsondernemings teen 15 Desember by munisipaliteite moet registreer. Dit volg te midde van die uitbreking van dodelike voedselvergiftiging wat met spazawinkels verbind word. Die burgemeesterskomiteelid vir Ekonomiese Ontwikkeling en Ruimtelike Beplanning, Sarah Mabotsa, sê registrasie is verpligtend:

# Krieket: Engeland se kaptein, Ben Stokes, het sarkasties reageer nadat die Internasionale Krieketraad sy span en Nieu-Seeland elk drie strafpunte in die Wêreldtoetskampioenskap opgelê het vir ‘n stadige boultempo in die eerste toets in Christchurch. Al die spelers is ook 15-persent van hulle wedstrydfooi beboet. Nieu-Seeland en Engeland is nou vyfde en sesde op die kampioenskapspunteleer na Indië, Suid-Afrika, Australië en Sri Lanka. Stokes het op sosiale media daarop gewys dat hulle die Swartpette geklop het met 10-uur se spel oor.

# Die finansiële aanwysers: Die rand verhandel teen 18-rand-6-sent teen die dollar, 19-rand-3-sent teen die euro en 23-rand-1-sent teen die pond. Bitcoin verhandel teen 102-duisend-638-dollar. Die prys van goud is twee-duisend-646-dollar-10-sent per fynons en die prys van Brent-ruolie 72-dollar-25-sent per vat.

# En ten slotte: Spotify South Africa sê 2024 het nie net gegaan oor wêreldtreffers nie, maar vir plaaslike musiek om uit te blink. Dit word weerspieël in die styging van 93-persent in plaaslike musiekverbruik en die gewildheid van plaaslike klanke. Dit sluit in die aansteeklike ritmes van Amapiano, tradisionele musiek en potgooie. Sithabile Kachisa van Spotify sê vrouekunstenaars het met rasse skrede vooruitgegaan op die Suid-Afrikaanse musiektoneel, met Tyla en Lwah Ndlunkulu wat boaan die trefferlys is vir aanlyn albums waarna die meeste geluister is:

Bly ingeskakel vir meer nuus……………….