Nuus 11:00

BULLETIN 13 November 11 vm

Goeiemôre. Ek is……..

In die bulletin:

# President Ramaphosa sê die regering se optrede om onwettige mynbou aan te pak, is deel van ‘n breër veldtog
# Die DA lê ’n klagte by die handelskommissaris van die Europese Unie oor rassekwotas
# En Krieket: Engeland se besturende direkteur vat die blaam vir die span se Wêreldbeker-mislukking

# President Cyril Ramaphosa sê die regering se pogings om onwettige mynbou te beëindig, kan nie net op die mynwerkers fokus nie, maar moet ook diegene insluit wat verder op die waardeketting is en daarby baat. Die minister van Verdediging en Militêre Veterane, Thandi Modise, het verlede week onthul dat meer as vier-duisend verdagtes in hegtenis geneem is op verskeie onwettige mynverwante aanklagte. In sy weeklikse nuusbrief sê Ramaphosa, onwettige mynbou word verbind met ander misdade soos geldwassery en mensehandel. Hy sê die regering se optrede teen onwettige mynbou is deel van ‘n breër poging om alle ekonomiese sabotasie-misdade aan te pak.

# Die DA het ‘n klag by die EU se Handelskommissaris, Valdis Dombrovskis, en die Verenigde Koninkryk se minister van Buitelandse Sake van die departement van Besigheid en Handel, Kemi Badenoch, ingedien oor wat hy beskryf as rassekwotas wat werksgeleenthede nek-omdraai. Die party het onthul die ANC het ‘n nuwe stel kwotas ingestel wat die ekonomie verder sal vernietig. Noko Masipa van die DA sê die jongste kwotas teiken landbou-uitvoer-ondernemings deur dit onwettig te maak vir boere en besighede wat nie aan streng ras-gebaseerde swartbemagtigingskwotas voldoen nie:

ENG-NokoonJobkillingRace

# Die Gautengse LUR vir Menslike Nedersettings en Infastruktuurontwikkeling, Lebogang Maile, gaan vandag ‘n ondersoekverslag bekend maak oor lenings deur die Gautengse Partnership-fonds. Die LUR het in Julie opdra gegee vir ‘n ondersoek na lenings wat aan Nonkwelo Investments aangebied is. Die onderneming behoort aan adjunk-president, Paul Mashatile se skoonseun, Nceba Nonkwelo. Lenings van 30-miljoen-rand is glo tussen 2013 en 2017 aan Nonkwelo Investments toegestaan vir ‘n behuisingsprojek wat nooit opgerig is nie.

# Die Pentagon het gister bevestig ‘n nuwe sarsie lugaanvalle is op Iranse instellings in Sirië uitgevoer, wat verbind word met tientalle onlangse aanvalle wat Amerikaanse troepe in die land en in die naburige Irak geteiken het. Dit is die derde keer in minder as drie weke dat die Amerikaanse weermag plekke in Sirië teiken wat verbind word met Iran se Islamitiese Revolusionêre Wag. Die aanvalle is uitgevoer op ‘n opleidingsinstelling en ‘n plek van veiligheid. Die Amerikaanse minister van Verdediging, Lloyd Austin, sê president Joe Biden het dit duidelik gemaak dat Amerika homself, sy mense en sy belange sal

verdedig.

# Krieket: Engeland se besturende direkteur, Rob Key, sê hy, meer as enigiemand anders, moet blameer word vir die span se uiters swak vertoning by die Wêreldbeker in Indië. Die verdedigende kampioene kon nie die halfeindstryde haal nie na hulle met ses nederlae in hulle eerste sewe wedstryde die aftog moes blaas. Engeland was aanvanklik een van die gunstelinge van die toernooi, maar hulle was heel onder op die punteleer, totdat oorwinnings teen Nederland en Afghanistan hulle tot die sewende plek opgeskuif het. Keys het toegegee sy prioriteit was toetswedstryde eerder as die beperkte 50-boulbeurt-formaat:

ENG KeysOnTestPriority

# En die finansiële aanwysers: Die dollar verhandel teen 18-rand-69 sent en die euro teen 19-rand-99 sent. Een Britse pond kos 22-rand-88-sent en Bitcoin verhandel teen 37-duisend-dollar-51 sent. Die prys van Goud is een duisend-940-dollar-27 sent per fyn ons en Brent-ruolie 80-dollar-73 sent per vat.

Bly ingeskakel vir meer nuus……………….