Nuus 11:00

BULLETIN 1 Desember 11 vm

Goeiemôre. Ek is……..

In die bulletin:

# Die MK-party vier sy eenjaar-herdenking met sterk ambisies
# Die SANW maak alarm oor onwettige grensoorstekings deur swanger vroue ter wille van toelaes
# En, SA Rugby gaan ‘n aandeletransaksie aan die Parlement voorlê

# Die voormalige president Jacob Zuma se MK-party het sy eenjaar-herdenking in Ekurhuleni gevier. Die party het vir die eerste keer aan vanjaar se algemene verkiesing deelgeneem en is die amptelike opposisie. Die sekretaris-generaal Floyd Shivambu sê die party is optimisties oor ‘n twee-derde meerderheid in die 2026-plaaslike regeringsverkiesing. Hy beklemtoon die party se mikpunt om progressiewe magte te verenig:

# Die Suid-Afrikaanse Nasionale Weermag het grensoperasies in Limpopo versterk, en onthul dat swanger vroue onwettig uit Zimbabwe inkom ter wille van kindertoelaes. Shihlangoma Mahlahlane van die SANW het aan die Citizen gesê dié vroue se doel is om hulle kinders na geboorte in plaaslike hospitale te registreer as Suid-Afrikaanse burgers. Mahlahlane sê die weermag se Operasie Corona sluit nagpatrollies in teen onwettige oorstekings. Hy bevestig ook dat hoë werkloosheid en ekonomiese lyding in buurlande die tendens aanvuur.

# Die president van Namibië se hoofopposisieparty, Independent Patriots for Change, Panduleni Itula, sê hulle sal onder geen omstandighede die uitkoms erken van die 2024 presidensiële en nasionale vergaderingverkiesing nie, wat ook al die uitkoms. Hy het gister op die laaste stemdag gepraat. Itula, wie se party hoop in Swapo se 34-jaar aan bewind te beëindig, sê regsreëls is ernstig verbreek. Die IPC sal probeer om die verkiesingsuitslag nietig verklaar te kry en voorspraak maak vir nog ‘n kans vir Namibiërs om te stem.

# Die Suid-Afrikaanse Rugby-unie gaan die parlementêre portefeuljekomitee oor Sport, Kuns en Kultuur volgende week toespreek oor ‘n voorgestelde ooreenkoms om ‘n aandeel van die Springbok-kommersiële regte te verkoop aan die Amerikaanse maatskappy Ackerley Sports Group. Die president van SA Rugby, Mark Alexander, sê hulle wil ‘n volhoubare ooreenkoms aangaan deur hulle waardevoorstel, wat langtermyn voordele vir Suid-Afrikaanse rugby inhou terwyl die integriteit daarvan behou word

En op die veld het die Bulle het gisteraand ‘n belangrike bonuspuntoorwinning in Galway behaal toe hulle die Ierse span Connacht in die Verenigde Rugby Kampioenskap 28-14 geklop het. Hulle het van die vierde plek tot die derde plek op die punteleer opgeskuif met 24 punte. Die Haaie het die talle foute van die Stormers uitgebuit en hulle met 21-15 op Kingspark in Durban ore aangesit. Op hulle beurt het die Leeus met 17-10 teen nog ‘n Ierse span, Munster, verloor.

Bly ingeskakel vir meer nuus……………….