Nuus 11:00

BULLETIN 24 September 11 vm

Goeiemôre. Ek is……..

In die bulletin:

# Die African Transformation Movement vra die regering om gewyde terreine te beskerm
# ’n Gesonke superjag het glo waterdigte kluise met sensitiewe intelligensiedata aan boord gehad
# En tennis,  ’n beseerde Emma Raducanu onttrek aan die Beijing Ope

# Ter herdenking van Erfenisdag, vra die African Transformation Movement die regering om die BaSotho-mense se heilige erfenisterreine te beskerm en op te knap. Die party sê die BaSotho se kulturele erfenis word bedreig nadat die regering in 2016 gewyde terreine by Mautse en Clarens in die Vrystaat geprivatiseer het. Tommy Ancell van ATM kritiseer die regering se intimidasie-taktiek wat daarop gemik is om hul pogings te belemmer om hierdie terreine te herstel en kulturele toerisme vir ekonomiese opheffing te bevorder:

# Die regering sal hierdie week die oorskot van 49 vryheidsvegters ontvang wat in ballingskap in Zimbabwe en Zambië gesterf het. Onder leiding van die minister van Sport, Gayton Mackenzie, en die minister van Verdediging, Angie Motshekga, sal die oorskot by die Waterkloof-lugmagbasis aankom en gevolg word deur ‘n tuiskomseremonie by Freedompark. herbegrafnisse sal in hul provinsies van oorsprong gehou word. Die regering sê hierdie inisiatief eer hul opofferings en onderstreep die nasie se verbintenis om sy vryheidshelde te onthou.

# Die Wes-Kaapse premier, Alan Winde, sê Afrika behoort nie agtergelaat te word in globale klimaatsgesprekke nie en is die broodmandjie van die wêreld. Hy is tans in Amerika as medevoorsitter van die New York Klimaatsweek en sê die vasteland dra die grootste las met kweekhuisgasuitstralings en die gevolge  van klimaatsverandering, ten spyte van die kleiner bydrae tot die probleem. Die geleentheid eindig Sondag, na agt dae. Die premier vra sterker samewerking met klimaatsoptrede:

# Spesialis-duikers na die wrak van die superjag, Bayesian, wat in Augustus naby die kus van Sicilië gesink het, versoek verhoogde sekerheid vir die vaartuig weens kommer dat sensitiewe data in sy kluise buitelandse regerings kan interesseer. Sewe mense is in die ongeluk dood, insluitend die Britse tegnologie-magnaat, Mike Lynch. Lynch het deur sy onderskeie maatskappye bande gehad met Britse, Amerikaanse en ander intelligensiedienste. Duikers sal eersdaags voorstel wat die beste manier is om die vaartuig van 473-ton na die oppervlak te bring en hoe om sensitiewe data te beskerm.

# En tennis: Emma Raducanu het weens ‘n voetbesering uit die week se Chinese Ope in Beijing onttrek. Die 21-jarige Brit moes Saterdag haar kwarteindronde wedstryd in die Korea Ope opgee toe sy beseer is. Raducanu se naam was in die loting vir Beijing toe dit gister bekendgemaak is, maar sy het kort daarna onttrek. Sy het die grootste deel van verlede seisoen weens ‘n gewrig- en ‘n enkelbesering misgeloop, maar vanjaar geleidelik tot die 54ste plek op die ranglys gevorder. Dit is haar hoogste posisie sedert Augustus 2022.

Bly ingeskakel vir meer nuus……………….