Nuus 11:00

BULLETIN 15 September 11 vm

Goeiemôre. Ek is……..

In die bulletin:

# Vyf mense brand dood na ‘n padongeluk in Mpumalanga
# Twee reisigers sterf by OR Tambo- en King Shaka-lughawe
# En, sokker: Guardiola tevrede Premierliga-verhoor begin môre

# Vyf mense het vanoggend doodgebrand nadat hulle motor omgeslaan en in vlamme uitgebars het op die pad tussen Mgobobodzi en Madadeni in Mpumalanga. ‘n Sesde slagoffer is in ‘n bedenklike toestand in die hospitaal. Die woordvoerder van die provinsie se Departement van Gemeenskapsveiligheid, Sekerheid en Skakeling, Moeti Mmusi, sê die LUR, Jackie Macie, pleit by motoriste om versigtig te bestuur en beklemtoon verkeersreëls moet nagekom word om nog tragedies te voorkom:

# Die Lughawensmaatskappy van Suid-Afrika het die sterftes bekendgemaak van twee reisigers, onderskeidelik by die OR Tambo- en King Shaka-internasionale lughawens. Die woordvoerder Ernest Mulibana sê ‘n reisiger het gister by die vyfde parkeervlak by OR Tambo afgeval, terwyl die ander een inmekaargestort het in King Shaka se binnelandse aankomstesaal. Beide is op die toneel dood verklaar. Mulibana sê die tragedies word ondersoek:

# Die Suid-Afrikaanse gedrukte mediasektor is in ‘n warboel, met Independent Media, die uitgewer van The Star en Cape Times wat herstruktureer weens afnemende advertensie-inkomste en hoë drukkoste. Die uitvoerende voorsitter Iqbal Survé sê die onvolhoubare model vuur die skuif na digitale media aan. Intussen sal Mail & Guardian na verwagting aflê-kennisgewings begin uitreik. Survé sê die toekoms van die bedryf bly onseker te midde van vinnige digitale transformasie.

# Sokker: Die bestuurder van Manchester City, Pep Guardiola, is ingenome die langverwagte verhoor van die klub op 115 aanklagte van die Premierliga begin môre. City word aangekla van 80 oortredings van finansiële reëls tussen 2009 en 2018 plus ‘n bykomende 35 vir versuim om met die Premierliga-ondersoek saam te werk. Die Engelse kampioene word ook daarvan beskuldig dat hulle tussen 2009 en 2018 versuim het om noukeurige finansiële inligting in te dien, insluitende inkomste uit borgskappe en salarisbesonderhede van bestuurders en spelers.

# En, die LUR vir Kultuur, Sport en Ontspanning in Mpumalanga Leah Mabuza het aangekondig die wêreldberoemde Ndebele-kunstenaar Esther Mahlangu se ontwerpe sal die pilare van drie nuwe biblioteke in Nkangala, Gert Sibande en Ehlanzeni versier. Die inisiatief vereer Mahlangu se werk en moedig gemeenskappe aan om kuns te ontgin. Die aankondiging is gedoen tydens die oorhandiging van ‘n kuns-ateljee aan Mahlangu by haar huis in Kwa-Ndebele, wat kulturele bewaring en kuns-nalatenskap bevorder.

Bly ingeskakel vir meer nuus……………….