Nuus 11:00

BULLETIN 7 September 11 vm

Goeiemôre. Ek is……..

In die bulletin:

# Gwede Mantashe ontken sy opmerkings oor G-O-P-huise en maatskaplike toelaes is stem-kopery
# Voertuie is onder water ná oorstromings in dele van Johannesburg
# En tennis: Dis Alcaraz teen Shelton in die kwarteindstryd van die Amerikaanse Ope en Medvedev word uitgeskakel

# Die ANC se nasionale voorsitter, Gwede Mantashe, verwerp bewerings dat sy opmerkings oor G-O-P-huise en die kindertoelae neerkom op stem-kopery of emosionele afpersing. Hy het die naweek tydens ‘n deur-tot-deur veldtog in Vryheidspark, Johannesburg, gesê G-O-P-huise en kindertoelae is die regstreekse gevolg van ANC-beleid en dat kiesers die ANC erkenning moet gee en dankbaar wees oor die ingrypings. Mantashe het aan Newzroom Afrika gesê die ANC koop nie stemme nie:

# Politieke partye en onafhanklike kandidate wat nie-nakomingskennisgewings ontvang het voor die munisipale verkiesing, het tot 5-uur vanmiddag om die uitstaande dokumente in te dien. Dit kan ‘n kopie van die kandidaat se ID of ‘n ondertekende benoemingsaanvaarding insluit. Die Verkiesingskommissie sal Woensdag kennisgewings uitreik aan kandidate wat ook as onafhanklike kandidate benoem is, of as kandidate verskyn op die lyste van ander politieke partye. Die OVK sal die finale lys van kandidate wat aan al die vereistes voldoen, op 16 September bekend maak. 

# Die Johannesburg Metropolisie het motoriste aangeraai om uiters versigtig te wees te midde van aanhoudende swaar reën, nat paaie en ernstige oorstromings. Sommige dele van die stad is steeds oorstroom met verskeie voertuie wat in die water vasgevang is. Woordvoerder Xolani Fihla sê oorstromings is aangemeld in Siemertweg en Curreystraat in Doornfontein:

Nuus uit die buiteland:

# Die president van Oekraïne,Volodimir Zelensky, wil billike vrede hê sonder enige hernude aggressie deur Rusland. Hy het met die Amerikaanse president, Donald Trump, se topgesante, Steve Witkoff en Jared Kushner, in Kiëf vergader nadat hulle vroeër ook die Russiese president, Vladimir Putin, ontmoet het. Zelensky sê sy land moet sy eie teen-ballistiese stelsel ontwikkel, aangesien Moskou sy ballistiese missielaanvalle teen Kiëf verskerp het. Witkoff sê die lande moet ‘n gesamentlike oplossing bereik om die oorlog te beëindig:

# Tennis: Die verdedigende kampioen, Carlos Alcaraz, pak die plaaslike speler Ben Shelton in die kwarteindronde van die Amerikaanse Ope. Die Spanjaard het die 20ste-gekeurde Amerikaner Tommy Paul verslaan, terwyl Shelton die Griek Stefanos Tsitsipas uitgeskakel het. Nog ‘n Amerikaner, Frances Tiafoe, het 2021 se kampioen, Daniil Medvedev van Rusland, geklop. Die tweemalige vroue-kampioen, Aryna Sabalenka van Belarus, is die sesde agtereenvolgende jaar deur na die kwarteindronde nadat sy die Amerikaner Taylor Townsend geklop het. Sy speel teen die Wimbledon-kampioen, die Tsjeg Linda Noskova, wat Marta Kostyuk van Oekraïne uitgeskakel het.

# En die finansiële aanwysers: Die rand verhandel teen 15-rand-96-sent teen die dollar, 18-rand-54-sent teen die euro en 21-rand-59-sent teen die pond. Bitcoin verhandel teen 79-duisend-578-dollar. Die prys van goud is vier-duisend-400-dollar-59-sent per fynons en die prys van Brent-ruolie is 98-dollar-97-sent per vat.

Bly ingeskakel vir meer nuus……………….